రేపు నారాయణపేటలో కాంగ్రెస్ జన గర్జన సభ - ముమ్మర ఏర్పాట్లు - LOk Sabha Polls 2024 - LOK SABHA POLLS 2024
Published : Apr 14, 2024, 9:18 PM IST
CM Meeting Arrangements In Narayanpet : లోక్సభ ఎన్నికలు సమీపిస్తున్న వేళ కాంగ్రెస్ పార్టీ తమ ప్రచార కార్యక్రమాల్లో వేగంపెంచింది. ఈ క్రమంలోనే నారాయణపేట జిల్లాలో భారీ బహిరంగ సభను ఏర్పాటు చేసేందుకు కాంగ్రెస్ పార్టీ సన్నాహకాలు చేస్తోంది. తాజాగా నారాయణపేట జిల్లా కేంద్రంలోని మినీ స్టేడియం మైదానంలో రేపు నిర్వహించే జన గర్జన భారీ బహిరంగ సభకు పార్టీ శ్రేణులు ముమ్మర ఏర్పాట్లు చేస్తున్నారు.
సభా వేదికతో పాటు ప్రజలు కూర్చోవడానికి వీలుగా కుర్చీలు ఏర్పాటు చేస్తున్నారు. సీఎం రేవంత్ రెడ్డి పార్లమెంట్ ఎన్నికల ప్రచారాన్ని నారాయణపేట నుంచి ప్రారంభిస్తున్న నేపథ్యంలో భారీగా జన సమీకరణ చేసి సభను విజయవంతం చేసేందుకు కాంగ్రెస్ పార్టీ నాయకులు ఏర్పాట్లు చేస్తున్నారు. ఏర్పాట్లను జిల్లా ఎస్పీ యోగేశ్ గౌతమ్, కాంగ్రెస్ పార్టీ నియోజకవర్గ ఇంఛార్జీ పరిశీలించారు. భద్రతాపరమైన చర్యలు తీసుకోవాలని పోలీస్ అధికారులకు సూచనలు, సలహాలు ఇచ్చారు. ఈ సభకు 50 వేల నుంచి ఒక లక్ష మంది వరకు హాజరు కానున్నారని, ప్రజలకు ఎలాంటి ఇబ్బందులు కలగకుండా అన్ని ఏర్పాట్లు చేస్తున్నట్లు ఎమ్మెల్యే చిట్టెం పర్ణికా రెడ్డి చెప్పారు.