LIVE: తిరుమల శ్రీవారిని దర్శించుకున్న సీఎం చంద్రబాబు కుటుంబ సభ్యులు - ప్రత్యక్ష ప్రసారం - CHANDRABABU VISIT TIRUMALA

LIVE : శ్రీవారి దర్శనం కోసం ముఖ్యమంత్రి చంద్రబాబు కుటుంబ సమేతంగా తిరుమల చేరుకున్నారు. ప్రమాణస్వీకారం అనంతరం ప్రత్యేక విమానంలో తిరుపతి విచ్చేశారు. రేణిగుంట విమానాశ్రయంలో పార్టీ నేతలు, అధికారులు ఘన స్వాగతం పలికారు. తిరుమల వెళ్తూ తిరుపతిలోని తెలుగుదేశం కార్యాలయం వద్ద వాహన శ్రేణి ఆపి కార్యకర్తలకు అభివాదం చేసి వెళ్లారు. 8.45 గంటల సమయంలో తిరుమలలోని శ్రీగాయత్రి నిలయానికి చేరుకున్నారు. ఆయన వెంట భువనేశ్వరి, లోకేశ్, బ్రాహ్మణి, దేవాంశ్‌ వచ్చారు. రాత్రికి తిరుమలలో చంద్రబాబు బశారు. కుటుంబ సభ్యులతో కలిసి గురువారం ఉదయం వీఐపీ బ్రేక్‌ సమయంలో కుటుంబసమేతంగా శ్రీవారిని దర్శించుకున్నారు. అనంతరం తిరిగి ఉండవల్లి వెళ్లనున్నారు.సీఎం పర్యటన సందర్భంగా అధికారులు వ్యవహరించిన తీరుపై చంద్రబాబు అసహనం వ్యక్తం చేశారు. గాయత్రి నిలయం వద్ద సీఎంకు స్వాగతం పలికేందుకు వాహనం వద్దకు టీటీడీ అధికారులు ఎవరూ రాలేదు. ఆయన వాహనం దిగి గాయత్రీ నిలయం లోపలికి వెళ్లిన తర్వాత పుష్పగుచ్ఛం ఇచ్చేందుకు తితిదే ఇన్‌ఛార్జి ఈవో వీరబ్రహ్మం యత్నించగా సీఎం తిరస్కరించారు.చంద్రబాబు శ్రీవారి దర్శించుకున్న అనంతరం మీడియాతో మాట్లాడుతున్నారు. ప్రత్యక్ష ప్రసారం