గురువుల పట్ల గౌరవంగా మెలగాలి : సీఎం చంద్రబాబు - CBN Attend Gurupurnima Festival

CM Chandrababu Attend Guru Purnima Festival in Mangalagiri : గుంటూరు జిల్లా మంగళగిరి సీకే కన్వెన్షన్‌ సెంటర్‌లో ఏర్పాటు చేసిన గురు పౌర్ణమి వేడుకల్లో ముఖ్యమంత్రి చంద్రబాబు పాల్గొన్నారు. వేదవ్యాసుడు, సాయిబాబా విగ్రహాలకు చంద్రబాబు పుష్పాలతో ప్రత్యేక పూజలు చేసి హారతులు ఇచ్చారు. భగవాన్ శ్రీశ్రీశ్రీ రామదూత అవధూత స్వామి ఆధ్వర్యంలో ఈ వేడుకలు ఘనంగా జరిగాయి. అనంతరం అవధూత స్వామి అక్కడ ఉన్న పండితులు చంద్రబాబును ఆశీర్వదించారు. అనంతరం సీఎం చంద్రబాబు అవధూత స్వామికి శాలువాను కప్పి ఘనంగా సత్కరించారు. 

వేదవ్యాసుడి ఉపదేశం అనుసరిస్తూ గురువుల పట్ల గౌరవంతో మెలగాలని చంద్రబాబు అన్నారు. సత్యం, ధర్మం, ధ్యానం ద్వారా సమున్నత జీవన గమ్యం ఏర్పరచుకోవాలని చంద్రబాబు సూచించారు. గురు పౌర్ణమి సందర్భంగా రాష్ట్ర ప్రజలకు సీఎం చంద్రబాబు హృదయ పూర్వక శుభాకాంక్షలు తెలిపారు. ఈ సందర్భంగా ప్రజలంతా మహోన్నత ఆశయాలతో ముందుకు సాగాలని ఆయన ఆకాంక్షించారు. ఈ గురు పౌర్ణమి వేడుకలకు భక్తులు అధిక సంఖ్యలో పాల్గొన్నారు.