LIVE : మానకొండూరులో బీఆర్​ఎస్​ కార్యకర్తలతో కేటీఆర్​ సమావేశం - KTR Election Campaign in Manakondur - KTR ELECTION CAMPAIGN IN MANAKONDUR

KTR Election Campaign in Manakondur Live : లోక్​సభ ఎన్నికల దృష్ట్యా తెలంగాణ రాజకీయం రోజురోజుకీ వేడెక్కుతుంది. అన్ని పార్టీల అభ్యర్థులు ఇప్పటికే నేరుగా జనాల్లోకి వెళ్లి ఓట్లను అభ్యర్థిస్తున్నారు. వాడీవేడీ ఉపన్యాసాలతో ఒక్కసారిగా సమ్మర్​ హీట్​ కంటే రాజకీయ హీట్​ను పెంచేశారు. కాంగ్రెస్​, బీఆర్​ఎస్​, బీజేపీ ఇలా మూడు ప్రధాన పార్టీలకు చెందిన అభ్యర్థులు రోడ్​షోలు, బహిరంగ సభలు నిర్వహిస్తున్నారు. ఈ క్రమంలో మానకొండూరులో బీఆర్​ఎస్​ వర్కింగ్​ ప్రెసిడెంట్​ కేటీఆర్​ బూత్ కార్యకర్తలతో సమావేశం నిర్వహించారు. కరీంనగర్​ అభ్యర్థి వినోద్​ కుమార్​కు మద్దతుగా ఎన్నికల ప్రచారం చేశారు. ఈ సమావేశంలో పాల్గొన్న ఆయన పార్టీ శ్రేణుల్లో నూతనుత్తేజాన్ని నింపుతున్నారు. బీఆర్​ఎస్​ పదేళ్లలో చేసిన అభివృద్ధిని వివరిస్తూ కాంగ్రెస్​, బీజేపీలపై తీవ్రస్థాయిలో మండిపడ్డారు. ఈసారి కరీంనగర్​ పార్లమెంట్​ అభ్యర్థిగా వినోద్​ కుమార్​ను గెలిపించాలని నియోజకవర్గ ప్రజలను కోరారు. రాష్ట్రంలో కాంగ్రెస్ ఇచ్చిన హామీలు అమలు కావాలన్నా, పార్లమెంటులో తెలంగాణ గళం వినిపించాలంటే తప్పనిసరిగా బీఆర్​ఎస్​ అభ్యర్థులను గెలిపించాలని వేడుకున్నారు.