40 రోజులు నా కోసం పని చేయండి - గెలిస్తే 5 ఏళ్లు మీ వెంటే ఉంటా : వెంకట్రామి రెడ్డి - BRS Meeting in Medak

BRS Medak MP Candidate Venkata Ramireddy Meeting : తాను గెలిస్తే సొంత నిధులతో నియోజకవర్గాన్ని అభివృద్ది చేస్తానని మెదక్ బీఆర్​ఎస్​ ఎంపీ అభ్యర్థి వెంకట్రామి రెడ్డి హామీ ఇచ్చారు. ఎన్నికల ప్రచారంలో భాగంగా మెదక్​ జిల్లా రామాయంపేటలో ముఖ్య కార్యకర్తల సమావేశం నిర్వహించారు. సభలో మాట్లాడిన ఆయన 2021లో ప్రజా సేవ కోసం కలెక్టర్​ పదవిని వదిలి కేసీఆర్​, హరీశ్​రావుల ప్రోత్సాహంతో ఎమ్మెల్సీగా అవకాశం తీసుకుని ప్రజా సేవలో ఉన్నట్లు తెలిపారు. 

పార్లమెంట్ ఎన్నికల్లో బీఆర్ఎస్ పార్టీ గెలుస్తుందని ఆశాభావం వ్యక్తం చేశారు. ఈ క్రమంలోనే 40 రోజులు తన కోసం పని చేయాలని, మిగతా 5 ఏళ్లు ప్రజల వెంటే ఉంటానని చెప్పారు. అసెంబ్లీ ఎన్నికల్లో పద్మా దేవేందర్​ రెడ్డి స్వల్ప మెజారిటీతో ఓటమి పాలవడం బాధాకరం అన్నారు. ఎంపీగా తనను గెలిపిస్తే, ఎమ్మెల్యే లేని లోటు తీర్చుకుందామని కార్యకర్తలకు తెలిపారు. మెదక్ నియోజకవర్గంతో తనకు 11 ఏళ్లుగా అనుబందం ఉందని గుర్తు చేసుకున్నారు. ఆనాడు ఒక అధికారిగా, ఇప్పుడు బీఆర్​ఎస్​ అభ్యర్థిగా వచ్చానని, అందరూ ఆశీర్వదించి గెలిపించారని కోరారు.