LIVE : నాగర్​ కర్నూల్​ రోడ్డు షోలో పాల్గొన్న మాజీ సీఎం కేసీఆర్​ - KCR Nagarkurnool Election Campaign - KCR NAGARKURNOOL ELECTION CAMPAIGN

BRS Chief KCR Nagarkurnool Election Campaign : బీఆర్​ఎస్​ అధినేత, మాజీ సీఎం కేసీఆర్​ నేడు నాగర్​ కర్నూల్​ జిల్లాలో పర్యటిస్తున్నారు. పోరుబాట బస్సు యాత్రలో భాగంగా శుక్రవారం మహబూబ్​నగర్​ రోడ్​ షో, కార్నర్​ మీటింగ్​లో పాల్గొన్న కేసీఆర్​, ఆ రాత్రికి మహబూబ్​నగర్​ పట్టణంలోని శ్రీనివాస్​ గౌడ్​ ఫాంహౌజ్​లోనే బస చేశారు. నేడు మహబూబ్​నగర్​ నుంచి నాగర్​ కర్నూల్​ బయలుదేరి వెళ్లారు. కేసీఆర్​కు పార్టీ శ్రేణులు, కార్యకర్తలు ఘన స్వాగతం పలికారు. ఈ బస్సు యాత్రలో భాగంగా నాలుగో రోజు ఉయ్యాలవాడ నుంచి నాగర్​ కర్నూల్​ బస్టాండ్​ వరకు జరిగిన రోడ్డు షోలో కేసీఆర్​ పాల్గొన్నారు. బస్టాండ్​ కూడలి వద్ద జరిగిన కార్నర్​ మీటింగ్​లో ప్రసంగించారు. నేడు బీఆర్​ఎస్​ పార్టీ ఆవిర్భావ దినోత్సవం. ఈ సందర్భంగా పార్టీ ఆవిర్భావం గురించి, ప్రస్థానం, రాష్ట్రాభివృద్ధిలో పార్టీ పాత్రపై కేసీఆర్​ ప్రసంగిస్తున్నారు. ఈ క్రమంలో కాంగ్రెస్​, బీజేపీలపై తీవ్రస్థాయిలో ధ్వజమెత్తారు. శుక్రవారం మహబూబ్​నగర్​లో జరిగిన రోడ్డు షోలో పాల్గొని తెలంగాణ నాశనం అవుతుంటే చూస్తూ ఊరుకోనని, పోరాటం చేస్తానంటూ స్పష్టం చేశారు.