చంద్రబాబును కలవాలని వైఎస్సార్సీపీ బాధితురాలు ఆరుద్ర వీడియో విడుదల - Arudra Trying To Meet CM CBN - ARUDRA TRYING TO MEET CM CBN

Arudra Trying To Meet CM Chandrababu Naidu : వెన్నెముక సమస్యతో బాధపడుతున్న తన కుమార్తెకు సహాయం కోసం వైఎస్సార్​సీపీ నేతల బాధితురాలు ఆరుద్ర ఎదురు చూస్తున్నారు. ముఖ్యమంత్రి చంద్రబాబును కలవడానికి అవకాశం కల్పించాలంటూ కోరారు. కాకినాడ గ్రామీణ మండలం రాయుడుపాలేనికి చెందిన ఆరుద్ర కుమార్తె సాయిలక్ష్మిచంద్ర కొద్ది కాలంగా వెన్నెముక సమస్యలతో బాధపడుతోంది. కుమార్తె వైద్యం కోసం ఇంటిని అమ్మేందుకు ఆమె యత్నించగా వైఎస్సార్సీపీ నేతలు అడ్డుకున్నారు. ఈ విషయంపై అనేక సార్లు తాడేపల్లిలోని క్యాంపు కార్యాలయానికి వచ్చిన ఆమెను పోలీసులు అడ్డుకున్నారు.  

న్యాయం జరగడం లేదనే భావోద్వేగంతో గతంలో ఆరుద్ర ఆత్మహత్యకు యత్నించారు. చంద్రబాబు దృష్టికి సమస్యను తీసుకెళ్లగా కూటమి అధికారంలోకి వచ్చాక ఆదుకుంటానని, ఆమెకు హామీ ఇచ్చారు. గురువారం ముఖ్యమంత్రిగా చంద్రబాబు బాధ్యతల స్వీకరణ సందర్భంగా ఆరుద్ర సచివాలయానికి వస్తే పోలీసులు ఆమెను గుర్తుపట్టకపోవడంతో అడ్డుకున్నారు. దీంతో మీడియా ద్వారానైనా సమస్య సీఎం దృష్టికి వెళ్తే స్పందిస్తారనే ఆశతో ఆమె ఓ వీడియో విడుదల చేశారు.