Youtube Remove Videos With Clickbait Titles:ప్రస్తుతంప్రముఖ వీడియో స్ట్రీమింగ్ ప్లాట్ఫారమ్ యూట్యూబ్ అత్యధిక ప్రజాదరణతో దూసుకుపోతోంది. చాలామంది కంటెంట్ క్రియేటర్లు తమ క్రియేటివిటీతో మంచి రెవెన్యూను సంపాదించుకునేందుకు యూట్యూబ్ను వేదికగా చేసుకుంటున్నారు. అందుకే యూట్యూబ్లో కోట్ల కొద్దీ వీడియోలు దర్శనమిస్తూ ఉంటాయి. అయితే కొంతమంది యూట్యూబర్లు డబ్బును సంపాదించుకునేందుకు తప్పుడు మార్గాలను అనుసరిస్తున్నారు.
మిస్లీడింగ్ థంబ్ నెయిల్స్, టైటిల్తో సంబంధం లేని వీడియోలను అప్లోడ్ చేయడంతో అవి ఓపెన్ చేసిన వ్యూయర్స్ నిరాశకు గురవుతున్నాయి. దీంతో యూట్యూబ్ విశ్వనీయత దెబ్బతింటోంది. ఈ నేపథ్యంలో అలాంటి వీడియోలపై కఠిన చర్యలు తీసుకోవాలని యూట్యూబ్ నిర్ణయించింది. వినియోగదారుల సమయాన్ని వృథా చేసే కంటెంట్ ఉన్న వీడియోలను తొలగించేందుకు కసరత్తు చేస్తోంది.
ముఖ్యంగా భారత్లో తప్పుదారి పట్టించే టైటిల్స్, థంబ్నెయిల్స్లతో ఉన్న వీడియోలను గుర్తించి వాటిని 'క్లిక్‌బైట్'గా పరిగణిస్తామని ప్రకటించింది. వాటిలో మొదటి ప్రాముఖ్యత న్యూస్, కరెంట్ అఫైర్స్కు సంబంధించిన మిస్లీడింగ్ కంటెంట్కు ఇస్తామని తెలిపింది. ఇలాంటి మిస్లీడింగ్ కంటెంట్ను గుర్తించి తొలగించడం ద్వారా తమ ప్లాట్ఫారమ్పై వినియోగదారుల విశ్వసనీయతను కొనసాగించాలని నిర్ణయించుకుంది.
ఉదాహరణకు.. 'ప్రెసిడెంట్ రాజీనామా చేశారు!' వంటి టైటిల్ ఉన్న వీడియోలు ఎక్కుగా ప్రజల దృష్టిని ఆకర్షిస్తాయి. అయితే వీడియోలో మాత్రం రాజీనామా గురించి చర్చించకుండా టైటిల్కి సంబంధం లేని కంటెంట్ను పోస్ట్ చేస్తే అలాంటి వాటిని 'Exaggerated Clickbait' అనే కేటగిరీగా పరిగణిస్తామని తెలిపింది. తద్వారా అలాంటి వీడియోలను తొలగించేందుకు ఏర్పాట్లు చేస్తోంది. అలాగే 'టాప్ పొలిటికల్ న్యూస్' అని థంబ్నెయిల్స్ పెట్టి వాటిలో కూడా సంబంధం లేని న్యూస్ ఉంటే వాటిని కూడా తీసేస్తామని తెలిపింది.