అదిరే లుక్​లో టాటా సఫారీ స్టెల్త్ ఎడిషన్ లాంఛ్- ధర ఎంతంటే?

సఫారీ స్టెల్త్ ఎడిషన్ రిలీజ్ చేసిన టాటా మోటార్స్- ధర, ఫీచర్ల వివరాలు ఇవే!

Tata Safari Stealth Edition Launched:స్వదేశీ కార్ల తయారీ సంస్థ టాటా మోటార్స్ గత నెలలో జరిగిన భారత్ మొబిలిటీ ఎక్స్‌పో 2025లో సఫారీ స్టెల్త్ ఎడిషన్‌ను ఆవిష్కరించింది. కంపెనీ ఇప్పుడు తన వెబ్‌సైట్‌లో లిస్ట్​ చేసిన సఫారి ఈ స్పెషల్ ఎడిషన్ మోడల్‌ను సైలెంట్​గా లాంఛ్ చేసింది. అకాంప్లిష్డ్+ ట్రిమ్ ఆధారంగా తీసుకొచ్చిన ఈ సఫారి స్టెల్త్ ఎడిషన్ ధర రూ. 25.30 లక్షల (ఎక్స్-షోరూమ్) నుంచి ప్రారంభమవుతుంది. ఇది టాప్-స్పెక్ సఫారి డార్క్ ఎడిషన్ అకాంప్లిష్డ్+ ట్రిమ్‌తో సమానంగా ఉంటుంది.

వేరియంట్లు:కంపెనీ ఈ టాటా సఫారీ స్టెల్త్ ఎడిషన్​ను మూడు వేరియంట్లలో తీసుకొచ్చింది.

• అకాంప్లిష్డ్+ MT
• అకాంప్లిష్డ్+ AT
• అకాంప్లిష్డ్+ AT- 6 సీటర్

టాటా సఫారీ స్టెల్త్ ఎడిషన్ ఎక్స్​టీరియర్ & ఇంటీరియర్: ఈ టాటా సఫారీ స్టెల్త్ ఎడిషన్​లో స్టాండ్​అవుట్ ఫీచర్​ ఏంటంటే దాని మాట్టే బ్లాక్ ఎక్స్​టీరియర్. ఇది స్టాండర్డ్ మోడల్​తో పోలిస్తే ఈ SUVకి మరింత అగ్రెసివ్, కమాండింగ్ ప్రెసెన్స్​ను ఇస్తుంది. దీని అల్లాయ్ వీల్స్​ కూడా డార్క్​ ఫినిష్​తో వస్తాయి. కంపెనీ బ్యాడ్జింగ్ ప్యాకేజీలో భాగంగా ఫ్రంట్ ఫెండర్స్​కు కూడా ఇదే ఫినిషింగ్​ను అందించింది. ఈ ఆల్-బ్లాక్ థీమ్ క్యాబిన్ వరకు విస్తరించింది. దీంతో ఇది చూసేందుకు డార్క్ ఎడిషన్​ రేంజ్​ను పోలి ఉంటుంది.

Tata Safari Stealth Edition Interior (Photo Credit- Tata Motors)

లోపల కార్బన్ నోయిర్-థీమ్ డ్యాష్‌బోర్డ్.. సాఫ్ట్-టచ్ మెటీరియల్స్, లెదర్​తో మరింత ప్రీమియం లుక్​లో కనిపిస్తుంది. కలర్ స్కీమ్ కాకుండా దీని క్యాబిన్ లేఅవుట్ సఫారి అకాంప్లిష్డ్+ వేరియంట్ మాదిరిగానే ఉంటుంది. ఇందులో 12.3-అంగుళాల ఫ్లోటింగ్ టచ్‌స్క్రీన్ ఇన్ఫోటైన్‌మెంట్ సిస్టమ్, ఫుల్లీ డిజిటల్ ఇన్స్ట్రుమెంట్ క్లస్టర్, నాలుగు-స్పోక్ ఫ్లాట్-బాటమ్ స్టీరింగ్ వీల్స్ ఉన్నాయి. ఈ వెర్షన్ ఏడు, ఆరు సీట్ల లేఅవుట్‌లలో అందుబాటులో ఉంది.

టాటా సఫారి స్టెల్త్ ఎడిషన్ ఫీచర్లు:కన్వీనియన్స్ పరంగా ఈ సఫారి స్టెల్త్ ఎడిషన్​లో ఆండ్రాయిడ్ ఆటో అండ్ యాపిల్ కార్‌ప్లే ద్వారా వైర్‌లెస్ స్మార్ట్‌ఫోన్ కనెక్టివిటీ, వాయిస్ అసిస్టెడ్ పనోరమిక్ సన్‌రూఫ్, అలెక్సా వాయిస్ కమాండ్‌లు, మ్యాప్ మై ఇండియా నుంచి ఇన్-బిల్ట్ నావిగేషన్, పవర్డ్ అండ్ వెంటిలేటెడ్ ఫ్రంట్ సీట్లు, జెస్టర్- కంట్రోల్డ్ పవర్డ్ టెయిల్​గేట్, వాయిస్ అసిస్టెడ్ డ్యూయల్-జోన్ క్లైమేట్ కంట్రోల్ వంటి ఫీచర్లు ఉన్నాయి.

Tata Safari Stealth Alloy Wheels (Photo Credit- Tata Motors)

సేఫ్టీ ఫీచర్లు:ఇందులో ప్రయాణికుల సేఫ్టీ కోసం ఆరు ఎయిర్‌బ్యాగ్‌లు, ఎలక్ట్రానిక్ స్టెబిలిటీ ప్రోగ్రామ్, లెవల్ 2 అడ్వాన్స్‌డ్ డ్రైవర్ అసిస్టెన్స్ సిస్టమ్ వంటి భద్రతా ఫీచర్లు ఉన్నాయి.

టాటా సఫారి స్టెల్త్ ఎడిషన్ పవర్‌ట్రెయిన్: మెకానికల్​గా సఫారి స్టెల్త్ ఎడిషన్ స్టాండర్డ్ మోడల్​తో సమానంగా ఉంటుంది. ఇది అదే 2.0-లీటర్ క్రియోటెక్ డీజిల్ ఇంజిన్​ను కలిగి ఉంది. ఇది 168bhp పవర్​, 350 Nm పీక్ టార్క్‌ను ఉత్పత్తి చేస్తుంది. ఈ ఇంజిన్ 6-స్పీడ్ మాన్యువల్ లేదా 6-స్పీడ్ టార్క్ కన్వర్టర్ ఆటోమేటిక్ యూనిట్‌తో ఉంటుంది.

టాటా సఫారి స్టెల్త్ ఎడిషన్ వేరియంట్స్	ఎక్స్​-షోరూమ్ ధరలు
Accomplished+ MT	Rs 25.30 lakh
Accomplished+ AT	Rs 26.90 lakh
Accomplished+ AT 6-seater	Rs 27.00 lakh

ధరలు:

• అకాంప్లిష్డ్+ MT వేరియంట్ ధర: రూ. 25.30 లక్షలు (ఎక్స్​-షోరూమ్)
• అకాంప్లిష్డ్+ AT వేరియంట్ ధర:రూ. 26.90 లక్షలు (ఎక్స్​-షోరూమ్)
• అకాంప్లిష్డ్+ AT 6- సీటర్ వేరియంట్ ధర: రూ. 27.00 లక్షలు (ఎక్స్​-షోరూమ్)