Infinix First Foldable Mobile Launch: టెక్ మార్కెట్లో రాణించాలంటే కస్టమర్ల అభిరుచి, ఆసక్తికి అనుగుణంగా ఎప్పటికప్పుడు కొత్త కొత్త ప్రొడక్ట్స్ను లాంచ్ చేయాల్సి ఉంటుంది. ప్రస్తుతం మార్కెట్లో ఫోల్డబుల్ మొబైల్స్దే హవా. వీటికి ఉన్న క్రేజ్ వేరే లెవల్. దీంతో అన్ని మొబైల్ తయారీ కంపెనీలు అదిరే ఫీచర్లతో సరికొత్త ఫోల్డబుల్ మొబైల్స్ను మార్కెట్లోకి తీసుకొచ్చేందుకు ఆసక్తి కనబరుస్తున్నాయి. ఈ నేపథ్యంలో ఇన్ఫినిక్స్ తన ఫస్ట్ ఫ్లిప్ ఫోన్‌ను ఇండియన్ మార్కెట్లో లాంచ్ చేసింది. ఇన్ఫినిక్స్ జీరో ఫ్లిప్ పేరుతో టూ కలర్ ఆప్షన్స్లో ఈ స్మార్ట్ఫోన్ను తీసుకొచ్చింది. 50ఎంపీ మెయిన్ కెమెరాతో ఆకర్షణీయమైన లుక్లో కంపెనీ దీన్ని డిజైన్‌ చేసింది. మరెందుకు ఆలస్యం 8జీబీ+ 512జీబీ వేరియంట్‌తో మార్కెట్లోకి తీసుకొచ్చిన ఈ స్మార్ట్ఫోన్ ధర, ఫీచర్లపై ఓ లుక్కేద్దాం రండి.
ఇన్ఫినిక్స్ జీరో ఫ్లిప్ ఫోన్ ఫీచర్లు:
- డ్యూయల్‌ సిమ్‌ సదుపాయం
- బ్యాటరీ: 4,720mAh
- ప్రాసెసర్: మీడియా టెక్ డైమెన్సిటీ 8200
- గొరిల్లా గ్లాస్‌ ప్రొటెక్షన్‌
- మెయిన్ కెమెరా: 50ఎంపీ
- అల్ట్రా వైడ్‌ కెమెరా: 50ఎంపీ
- ఫ్రంట్ కెమెరా:ఎక్స్‌టర్నల్‌ స్క్రీన్‌లో 50ఎంపీ
- 70W ఫాస్ట్‌ ఛార్జింగ్‌
- ఈ కొత్త ఫోల్డబుల్ మొబైల్తో 4కె వరకు వీడియోలు రికార్డ్‌ చేయొచ్చని ఇన్ఫినిక్స్ తెలిపింది.
ముందుభాగంలో:
- ఫ్రంట్ డిస్‌ప్లే: 6.9 అంగుళాల ఫుల్‌ హెచ్‌డీ+ ఎల్‌టీపీఓ అమోలెడ్
- రిఫ్రెష్‌ రేటు: 120Hz
- టచ్‌ సాంప్లింగ్‌ రేటు: 360Hz
వెనుక భాగంలో:
- బ్యాక్ డిస్‌ప్లే: 3.64 అంగుళాల అమోలెడ్
- రిఫ్రెష్‌ రేటు: 120Hz
- టచ్‌ సాంప్లింగ్‌ రేటు: 240Hz