మాయమాటలతో మూడు పెళ్లిళ్లు! -మెదక్ మున్సిపల్ కమిషనర్​పై భార్య ఫిర్యాదు - Wife Complaint Against Husband

Wife Complaint Against Medak Municipal Commissioner : మెదక్ మున్సిపల్ కమిషనర్ జానకిరామ్​పై ఆయన భార్య కళ్యాణి ఓయూ పోలీసులకు ఫిర్యాదు చేసింది. జానకిరామ్ మరో మహిళను పెళ్లి చేసుకున్నాడని ఫిర్యాదులో తెలిపింది. మున్సిపల్ కమిషనర్ జానకిరామ్ ఇప్పటి వరకు మూడు పెళ్లిళ్లు చేసుకున్నాడని భార్య కళ్యాణి పోలీసులకు తెలిపింది.

Wife Complaint Against Husband : మెదక్ మున్సిపల్ కమిషనర్ జానకిరామ్​పై తన భార్య కళ్యాణి ఓయూ పోలీసులకు ఫిర్యాదు చేసింది. జానకిరామ్ మరో మహిళను పెళ్లి చేసుకున్నాడని ఫిర్యాదులో తెలిపింది. భర్త పెళ్లి విషయం తెలుసుకున్న కళ్యాణి ఇవాళ అతన్ని నిలదీసింది. ఆమెను చంపుతానంటూ బలవంతంగా కారులో తీసుకొని వెళ్లడంతో కుటుంబసభ్యులు డయల్​ 100కు సమాచారం ఇచ్చారు. వారిని మధ్యలో అడ్డుకున్న పోలీసులు హబ్సీగూడ వద్ద జానకిరామ్​ను అదుపులోకి తీసుకున్నారు. అనంతరం ఓయూ పోలీస్ స్టేషన్​లో కళ్యాణి కేసు ఫైల్ చేసింది. మున్సిపల్ కమిషనర్ జానకిరామ్ ఇప్పటి వరకు మూడు పెళ్లిళ్లు చేసుకున్నాడని పోలీసులకు తెలిపింది. దీంతో జానకిరామ్​తో పాటు మరో అమ్మాయిని అదుపులోకి తీసుకొన్న పోలీసులు దర్యాప్తు ప్రారంభించారు.