భైంసాలో ఉద్రిక్తత - కేటీఆర్‌పై ఉల్లిగడ్డలు, టమాటలు విసిరిన దుండగులు - KTR Election Campaign

Attack on KTR in Bhainsa Road Show : లోక్​సభ ఎన్నికల వేళ తెలంగాణలోని భైంసా పట్టణంలో ఉద్రిక్త వాతావరణం చోటు చేసుకుంది. ఎన్నికల ప్రచారంలో భాగంగా పర్యటిస్తున్న బీఆర్​ఎస్​ నేత కేటీఆర్‌పై గుర్తు తెలియని వ్యక్తులు ఉల్లిగడ్డలు, టమాటలు విసిరారు. బహిరంగంగానే దాడి జరుగుతున్నా పోలీసులు నిర్లక్ష్యంగా వ్యవహరించారని కేటీఆర్‌ ఆగ్రహం వ్యక్తం చేశారు.

KTR Election Campaign Protest in Bhainsa : సార్వత్రిక ఎన్నికల వేళ తెలంగాణలోని నిర్మల్​ జిల్లా భైంసాలో ఉద్రిక్త వాతావరణం నెలకొంది. ఎన్నికల ప్రచారంలో భాగంగా పట్టణంలో పర్యటిస్తున్న బీఆర్ఎస్ కార్యనిర్వాహక అధ్యక్షుడు, మాజీ మంత్రి కేటీఆర్‌కు అనూహ్య పరిణామం ఎదురైంది. ఆయన ప్రసంగిస్తున్న సమయంలో కొందరు గుర్తు తెలియని వ్యక్తులు ఉల్లిగడ్డలు, టమాటలు విసిరారు. కేటీఆర్‌ ప్రసంగిస్తుండగా అడ్డుకోవడానికి ప్రయత్నించారు. బహిరంగంగానే దాడి జరుగుతున్నా పోలీసులు నిర్లక్ష్యంగా వ్యవహరించారని కేటీఆర్​ ఆగ్రహం వ్యక్తం చేశారు. ఆయన ప్రసంగం పూర్తైన తర్వాత పోలీసులు అందరినీ చెదరగొట్టారు. రాముడిని ఆరాధించే వారు ఎవరూ ఇలా ప్రవర్తించారని కేటీఆర్‌ మండిపడ్డారు.