TTD Employee Missing in Maha Kumbh Mela:ఉత్తర్‌ప్రదేశ్‌లోని ప్రయాగ్‌రాజ్‌లో జరుగుతున్న మహా కుంభమేళాలో టీటీడీ ఉద్యోగి అదృశ్యం కలకలం రేపింది. టీటీడీ ఆధ్వర్యంలో అక్కడ ఏర్పాటు చేసిన కార్యక్రమంలో విధులు నిర్వహించేందుకు వెళ్లిన సుబ్రహ్మణ్యం అనే వ్యక్తి బుధవారం (29-01-2025) సాయంత్రం నుంచి కనిపించకుండా పోయారు. ఆయన ఆచూకీ కోసం స్థానిక పోలీసులు, టీటీడీ అధికారులు ప్రయత్నాలు చేశారు.
ఉద్యోగి అదృశ్యంపై పూర్తి సమాచారం అందించాలని టీటీడీ అదనపు ఈవో వెంకయ్య చౌదరి అధికారులను ఆదేశించారు. శ్రీవారి నమూనా ఆలయంలో పని చేసేందుకు సుమారు 200 మంది టీటీడీ ఉద్యోగులు అక్కడకి వెళ్లారు. ఈ క్రమంలో ఓ ఉద్యోగి అదృశ్యమయ్యారు. అయితే షాపింగ్కు వెళ్లిన సుబ్రహ్మణ్యం 24 గంటల తర్వాత ఈరోజు సేఫ్గా తిరిగి వచ్చాడు. దీంతో తోటి ఉద్యోగులు, అధికారులు ఊపిరి పీల్చుకున్నారు.