Three Ladies Dead Bodies Found in Pond at Kurnool :ఆంధ్రప్రదేశ్లోనికర్నూలు జిల్లాలో ముగ్గురు మహిళలు అనుమానాస్పదంగా మృతి చెందటం తీవ్ర కలకలం రేపింది. జిల్లాలోని గార్గేయపురం గ్రామ శివారులో ఉన్న నగరవనం (Nagaravanam) చెరువులో తొలుత ఇద్దరి మృతదేహాలను గుర్తించిన స్థానికులు పోలీసులకు సమాచారం ఇచ్చారు. దీంతో సంఘటనా స్థలానికి చేరుకున్న పోలీసులు ఆ మృతదేహాలను పరిశీలించారు.
అనంతరం చెరువు ఒడ్డున మరో మృతదేహాన్ని గుర్తించారు. మృతులు ఎవరు? ఎలా చనిపోయారు? అనేది మిస్టరీగా మారింది. ఎవరైనా చంపి చెరువులో పడేశారా? అనే కోణంలోనూ పోలీసులు దర్యాప్తు చేస్తున్నారు. మృతదేహాలను పోస్టుమార్టం నిమిత్తం ఆస్పత్రికి తరలించారు. దీనిపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
మృతులు ఎవరు? ఎలా చనిపోయారు? అంతు చిక్కని ప్రశ్నలు : కర్నూలు సమీపంలోని గార్గేయపురం గ్రామంలో ఉన్న నగరవనం చెరువులో ఈ రోజు(ఆదివారం) ముగ్గరు మహిళలు అనుమానాస్పద స్థితిలో మృతి చెందారు. తొలుత చెరువులో ఇద్దరి మృతదేహాల్ని స్థానికులు గుర్తించి కర్నూలు తాలూకా పోలీసు స్టేషన్‌కు సమాచారం అందించారు. విషయం తెలుసుకున్న పోలీసులు హుటాహుటిన సంఘటనాస్థలానికి వచ్చి పరిశీలించారు. అయితే చెరువు ఒడ్డున మరో మృతదేహాన్ని వారు గుర్తించారు. మృతులు ఎవరు? ఎలా చనిపోయారు? అనేది ప్రస్తుతం అంతు చిక్కని ప్రశ్నగా మారింది. మృతదేహాలను శవపరీక్ష కోసం కర్నూలు ప్రభుత్వాసుపత్రికి తరలించారు.
"ఎనిమిది గంటలకు రెండు గుర్తుతెలియని మహిళల మృతదేహాలు చెరువులో తేలియాడుతున్నట్లు సమాచారం వచ్చింది. ఈ మృతదేహాలకు కొంచెం దూరంలోనే మరో మృతదేహం గుర్తించడం జరిగింది. ఇది హత్య, ఆత్మహత్యా అనే కోణంలో దర్యాప్తు చేయడం జరుగుతుంది - కృష్ణకాంత్, కర్నూలు ఎస్పీ