మంచిర్యాలలో తీవ్ర విషాదం - గోడ కూలి ముగ్గురు కూలీల దుర్మరణం - wall collapse in Mancherial

Wall Collapse Death in Mancherial : మంచిర్యాలలో తీవ్ర విషాదం చోటుచేసుకుంది. ప్రహరి గోడ కూలి ముగ్గురు దుర్మరణం చెందారు. భవన నిర్మాణ పనులు చేస్తుండగా ఈ ప్రమాదం జరిగింది. ఘటనలో ముగ్గురు కూలీలు మృతి చెందగా, మరొకరికి తీవ్ర గాయాలయ్యాయి.

Wall Collapse Death in Mancherial : ప్రహరి గోడకూలీ ముగ్గురు మృతిచెందిన ఘటన మంచిర్యాలలో పట్టణంలో చోటుచేసుకుంది. వివరాల్లోకెల్తేమంచిర్యాల పట్టణంలోని ఇస్లాంపురలో ఆస్పత్రి నిర్మాణం కోసం సెల్లార్ పనులు చేస్తుండగా, పక్కనున్న ఇంటి ప్రహరీ గోడ కూలింది. ఈప్రమాదంలో ముగ్గురు కూలీలు దుర్మరణం కాగా, ఒకరికి తీవ్ర గాయాలయ్యాయి. గోడ శిథిలాల కింద చిక్కుకుపోయిన ముగ్గురి మృతదేహాలను, పోలీసులు జేసీబీ సహాయంతో వెలికి తీశారు.

క్షతగాత్రుని మంచిర్యాల ప్రభుత్వ ఆసుపత్రికి తరలించారు. మృతులను కొమురం భీం ఆసిఫాబాద్ జిల్లా చింతల మానేపల్లి మండలం చెందిన శంకర్, హనుమంతు, పోషంలుగా గుర్తించారు. ఘటనస్థలికి చేరుకున్న కుటుంబ సభ్యుల రోదనలు మిన్నంటాయి. ప్రమాదస్థలాన్ని రామగుండం పోలీస్ కమిషనర్ శ్రీనివాసులు పరిశీలించారు. బాధ్యులపై చట్టపరమైన చర్యలు తీసుకుంటామని తెలిపారు.