రైల్వే అభ్యర్థులకు బిగ్​ అలర్ట్​ - పరీక్ష తేదీలు మారాయ్, ఓసారి చెక్​ చేసుకొండి

రైల్వే అభ్యర్థులకు రైల్వే శాఖ కీలక ప్రకటన విడుదల - మొత్తం 41,500 పోస్టులకు కొత్త తేదీలు ప్రకటన - రివైజ్​డ్​ నోటీసు జారీ చేసిన రైల్వే బోర్డు

RRB New Exam Dates 2024 : రైల్వే అభ్యర్థుల కోసం రైల్వే శాఖ కీలక ప్రకటన విడుదల చేసింది. కొన్ని రైల్వే పరీక్షలకు సంబంధించిన పరీక్ష తేదీల్లో మార్పు చేసింది. ఇందుకు సంబంధించిన రివైజ్​డ్​ నోటీసును రైల్వే అధికారిక వెబ్​సైట్​లో ఉంచింది. ఇప్పటికే దేశవ్యాప్తంగా రైల్వే రిక్రూట్​మెంట్​ బోర్డు పరిధిలోని జోన్లలో వివిధ ఉద్యోగాలకు గతంలోనే నోటిఫికేషన్​ ఇచ్చి పరీక్ష తేదీలను ప్రకటించింది. కానీ ఇప్పుడు కొన్ని కారణాల వల్ల పరీక్ష తేదీల్లో మార్పులు చేశారు. ఈ విషయాన్ని అభ్యర్థులు గుర్తించుకోవాలని రైల్వే బోర్డు తెలిపింది.

అన్ని రైల్వే జోన్లలో మొత్తం 41,500 ఖాళీలను భర్తీ చేయనున్నారు. వీటిలో 18,799 అసిస్టెంట్​ లోకో పైలట్​, 452 ఆర్​పీఎఫ్​ ఎస్సై, 14,298 టెక్నీషియన్​, 7951 జూనియర్​ ఇంజినీర్ పోస్టుల భర్తీకి నోటిఫికేషన్​ ఇచ్చి నియామక పరీక్షలు నిర్వహించేందుకు తేదీలను ప్రకటించారు. వీటిలో రైల్వే టెక్నీషియన్, ఆర్​పీఎఫ్​ ఎస్సై, జేఈ రాత పరీక్షల షెడ్యూల్​లో మార్పులు చేసింది. కానీ అసిస్టెంట్​ లోకో పైలట్​ పరీక్ష మాత్రం యధావిథిగా నిర్వహించనున్నారు. ఈ పరీక్షలు అన్నీ నవంబరు, డిసెంబరు నెలల్లోనే జరగనున్నాయి.

కొత్త తేదీలు (ETV Bharat)

మారిన ఆర్​ఆర్​బీ రాత పరీక్ష తేదీలు :

పోస్టులు	పరీక్ష తేదీల్లో మార్పు
అసిస్టెంట్​ లోకో పైలట్(సీబీటీ-1)	25.11.2024 నుంచి 29.11.2024 (మార్పు లేదు)
ఆర్​పీఎఫ్​ ఎస్సై	02.12.2024 నుంచి 12.12.2024
టెక్నీషియన్	18.12.2024 నుంచి 29.12.2024
జూనియర్ ఇంజినీర్(JE)	13.12.2024 నుంచి 17.12.2024

ఈ జాగ్రత్తలు తప్పనిసరి :

• పరీక్షల నిర్వహణకు పది రోజులు ముందుగానే ఎగ్జామ్​ సిటీ, తేదీ వివరాలను రైల్వే బోర్డు వెల్లడించనుంది.
• నాలుగు రోజుల ముందే అడ్మిట్​ కార్డు డౌన్​లోడ్​ చేసుకోవచ్చు.
• పరీక్షకు ఆధార్​ లింక్​డ్ బయోమెట్రిక్ అథెంటిఫికేషన్​ తప్పనిసరి. అందుకే పరీక్షకు వెళ్లినప్పుడు ఒరిజినల్​ ఆధార్​ కార్డును తీసుకువెళ్లాలి.
• అభ్యర్థులు రైల్వే పరీక్షలకు సంబంధించిన తాజా సమాచారం కోసం ఆర్​ఆర్​బీ అధికారిక వెబ్​సైట్​లను మాత్రమే చూడాలి.
• ఉద్యోగాల నియామకాలు అన్నీ పారదర్శకంగా మాత్రమే జరుగుతాయి. ఎవరైనా తప్పుదోవ పట్టించాలని చూస్తే జాగ్రత్త అవసరం.
• ఆర్​ఆర్​బీ ఎంపికలు కంప్యూటర్​ బేస్డ్​ టెస్ట్, మెరిట్​ పై మాత్రమే ఆధారపడి ఉంటుంది.

ఈ పరీక్ష తేదీలు ప్రకటించలేదు : ఎన్​టీపీసీ, పారామెడికల్​, ఆర్​పీఎఫ్​ కానిస్టేబుల్ పోస్టులకు రాత పరీక్ష తేదీలు ప్రకటించాల్సి ఉంది. ఇప్పటికే ఎన్​టీపీసీ నోటిఫికేషన్​ క్లోజ్​ అయిపోయింది. ఇంకా నాన్​ ఎన్​టీపీసీ నోటిఫికేషన్​ ఈనెల 27వ తేదీ వరకు దరఖాస్తు చేసుకోవడానికి చివరి తేదీగా ఉంది. పోస్టులను అనుసరించి రాత పరీక్షలు, స్కిల్​ టెస్ట్, సర్టిఫికేట్ వెరిఫికేషన్, మెడికల్​ టెస్ట్​ తదితరాల ఆధారంగా అభ్యర్థుల ఎంపిక ఉంటుంది.