Private Travels Bus In Tirupati: ఓ ప్రైవేటు ట్రావెల్స్ బస్సు డ్రైవర్ నిర్వాకం భక్తులను ఇబ్బంది కలిగించింది. ఈ ఘటన తిరుపతిలో జరిగింది. శబరిమల వెళ్లిన అయ్యప్ప భక్తులు తిరుగు ప్రయాణంలో శ్రీవారి దర్శనానికి తిరుమల వచ్చారు. దర్శనం ఆలస్యం కావడంతో 35 మంది అయ్యప్ప భక్తులను వదిలేసి బస్సులో ఉన్న బ్యాగులను కిందపడేసి డ్రైవర్ వెళ్లిపోయాడు.
దీంతో బాలాజీ లింక్‌ బస్టాండ్‌ వద్ద భక్తులు ఇబ్బందులు పడ్డారు. డయల్ 100కు అయ్యప్ప భక్తులు ఫోన్ చేయడంతో పోలీసులు స్పందించి నెల్లూరు టోల్‌గేట్‌ వద్ద బస్సును ఆపించారు. మరోవైపు అలిపిరి పోలీస్‌స్టేషన్‌లో సదరు ప్రైవేట్‌ ట్రావెల్స్ యాజమాన్యంపై అయ్యప్ప భక్తులు ఫిర్యాదు చేశారు.