Minister Uttam fires on BRS : కాళేశ్వరం ప్రాజెక్ట్ కుంగిన ఘటనలో, నేషనల్ డ్యామ్ సేఫ్టీ అథారిటీ విచారణపై మంత్రి ఉత్తమ్ కుమార్ రెడ్డి(Minister Uttam) స్పందించారు. బ్యారేజీలపై నిపుణుల బృందం క్షేత్రస్థాయి పర్యటన పూర్తయిందని, నివేదిక రూపొందించే పనిలో ఉన్నారన్నారు. విచారణ అంశాలను త్వరలో వెల్లడిస్తామన్నారు. సూర్యాపేట జిల్లా కేంద్రంలో పోలీస్ భరోసా సెంటర్ను మంత్రి ఉత్తమ్కుమార్ రెడ్డి ప్రారంభించారు.
ఈ సందర్భంగా మాట్లాడుతూ బీఆర్ఎస్ హయాంలోనే కాళేశ్వరం ప్రాజెక్టు కుంగినప్పుడు పట్టించుకోని నేతలు, ఇప్పుడు ఉచిత సలహాలు ఇస్తున్నారని మండిపడ్డారు. తొంభై వేల కోట్ల రూపాయలతో నిర్మించిన కాళేశ్వరం ప్రాజెక్టుకి భారీ నష్టం వాటిల్లిందని మండిపడ్డారు. ప్రాజెక్టుకే గుండెకాయ వంటి మేడిగడ్డ కుంగిదని, మిగతా బ్యారేజీలు ప్రమాదంలో ఉన్నాయని ఆయన పేర్కొన్నారు. ప్రాజెక్టులో జరిగిన నష్టంపై రాజ్యాంగబద్ద సంస్థ ఎన్డీఎస్ఏ(NDSA)తో విచారణ జరిపిస్తున్నామని మంత్రి తెలిపారు.
Minister Uttam on NDSA Committee :ఎన్డీఎస్ఏ కమిటీకి, నీటిపారుదల అధికారులు పూర్తిగా సహకరించాలని ఆదేశించినట్లు మంత్రి ఉత్తమ్కమార్ రెడ్డి తెలిపారు. వారు అడిగిన పత్రాలన్ని సమర్పించాలని, నిజనిజాలను వారికి నివేదించాలని తెలిపినట్లు పేర్కొన్నారు. వారికి సహకరించని అధికారులపై చర్యలు తీసుకుంటామని హెచ్చరించినట్లు స్ఫష్టం చేశారు. ఇవాళ ఎన్డీఎస్ఏ నిపుణుల బృందం జలసౌధలో సమావేశం నిర్వహించనట్లు తెలిపారు.
తాను ఇక్కడికి రావడం వల్ల సమావేశంకు హాజరుకాలేదన్నారు. నిపుణుల నివేదిక ఆధారంగా ప్రాజెక్టుకు మరమ్మతులు, చర్యలు ఉంటాయని స్ఫష్టం చేశారు. నాలుగునెలలోపు నివేదిక రాబోతున్నట్లు పేర్కొన్నారు. తనకు కొందరు పలుమార్లు ఫోన్లు చేస్తున్నారని, గృహజ్యోతి , మహాలక్ష్మీ పథకాలు నిరంతర ప్రక్రియ అని మంత్రి పేర్కొన్నారు. ఈ పథకాలకు సంబంధించి ఇప్పటికే సుమారు 80 లక్షల మంది లబ్ధిదారులను ఎంపిక చేశామన్నారు.