Sexual Assault Case : సినిమా అవకాశాలు ఇప్పిస్తానని చెప్పి ఓ మహిళను నమ్మించి లైంగిక దాడికి పాల్పడిన ఒకరిపై జూబ్లీహిల్స్‌ పోలీస్‌ స్టేషన్‌లో కేసు నమోదైంది. బాధితురాలి ఫిర్యాదు స్వీకరించి కేసు నమోదు చేసిన పోలీసులు దర్యాప్తు చేస్తున్నారు. పోలీసులు తెలిపిన వివరాల ప్రకారం, ఆంధ్రప్రదేశ్‌కు చెందిన ఓ మహిళ భర్తతో విడిపోయి మణికొండలో హౌస్‌ కీపింగ్‌ పని చేస్తూ జీవనం సాగిస్తోంది.
ఆమె 15 రోజుల క్రితం అమీర్‌పేటలోని ఓ హాస్టల్‌లో చేరింది. సినిమాల్లో జూనియర్‌ ఆర్టిస్ట్‌గా ప్రయత్నిస్తోంది. ఈ క్రమంలో కృష్ణానగర్‌ ప్రాంతంలో తెలిసిన వారిని వాకబు చేస్తున్న క్రమంలో డైరెక్షన్‌ విభాగంలో పని చేస్తున్న కాటేకొండ రాజుతో ఆమెకు పరిచయం ఏర్పడింది. మూడు రోజుల క్రితం ఆడిషన్స్‌ ఉన్నాయంటూ ఆమెను కృష్ణానగర్‌లోని ఓ హోటల్‌కు పిలిపించాడు. మొదటి రోజు ఫొటో షూట్ చేసి మరుసటి రోజు రావాలని చెప్పి పంపించాడు.