తిరుపతిలో రోడ్డుపైకి వచ్చిన చిరుత - ఓ వ్యక్తికి గాయాలు

తిరుపతి జూ పార్క్ సమీపంలో ఒక్కసారిగా రోడ్డు పైకి వచ్చిన చిరుత పులి - భయాందోళనతో బైక్​పై నుంచి కిందపడి గాయాలపాలైన ద్విచక్రవాహనదారుడు

Leopard Comes Up Road At Science Center Near Tirupati Zoo Park :తిరుపతిలో ఓ చిరుత పులి రోడ్డుపైకి రావటం కలకలం రేపింది. జూ పార్క్ సమీపంలోని సైన్స్ సెంటర్ వద్ద చిరుత పులి ఒక్కసారిగా రోడ్డుపైకి రావడంతో భయాందోళనతో ఓ వ్యక్తి ద్విచక్రవాహనం నుంచి కిందపడ్డాడు. అతనికి గాయాలు కాగా అక్కడే ఉన్న కొంతమంది రుయా ఆస్పత్రికి తరలించారు. గాయపడిన వ్యక్తి టీటీడీ అశ్విని మెడికల్ హాస్పిటల్​లో పనిచేస్తున్న మునికుమార్​గా పోలీసులు గుర్తించారు. పోలీసులు, అటవీశాఖ అధికారులు ఘటనా స్ధలానికి చేరుకుని పరిశీలించారు. ఈ ఘటనతో అలిపిరి నుంచి జూ పార్క్ రోడ్డు మార్గంలో ప్రయాణించే వారు భయభ్రాంతులకు గురవుతున్నారు.