ఈరోజు వాళ్లకెంతో స్పెషల్ - లీపు సంవత్సరం వచ్చిందంటే వేడుకలు మామూలుగా ఉండవు మరి

Leap Year Birthday Celebrations : ప్రస్తుత రోజుల్లో పుట్టినరోజు వేడుకంటే మామూలుగా ఉండట్లేదు. ఏటా ఘనంగా చేసి తీరాల్సిందే. కానీ లీపు సంవత్సరంలో పుట్టిన వాళ్లు మాత్రం నాలుగేళ్లకోసారి మాత్రమే వేడుకలు చేసుకుంటారు. అందరూ ఏటా వేడుకలు చేసుకుంటే, ఫిబ్రవరి 29న జన్మించిన వారికి మాత్రం నాలుగేళ్లకే పుట్టిన రోజు వస్తుంది. నిజామాబాద్ జిల్లాలోనూ లీపు రోజున పుట్టిన కొందరు తమ పుట్టిన రోజును చాలా ప్రత్యేకంగా భావిస్తున్నారు.

Leap Year Birthday Celebrations 2024 : సాధారణంగా చిన్నారులకు ఏటా పుట్టినరోజును తల్లిదండ్రులు వేడుకగా నిర్వహిస్తారు. వివాహ వార్షికోత్సవాలను పెద్దలు సైతం జరుపుకొంటారు. అయితే వారికి ఇలాంటి వేడుకలన్నీ నాలుగేళ్లకు ఓసారి మాత్రమే వస్తుంటాయి. పుట్టినరోజు, పెళ్లిరోజు తదితర వేడుకల కోసం అంతవరకు నిరీక్షించాల్సిందే. లీపు సంవత్సరంలో జన్మించిన, వివాహం చేసుకున్న వారికి ఫిబ్రవరి 29 చాలా ప్రత్యేకం. ఈ సంవత్సరం లీపు సంవత్సరం కావడంతో వేడుకలు నిర్వహించేందుకు సిద్ధమయ్యారు నిజామాబాద్​ జిల్లాలోని పలువురు.

సాధారణంగా పుట్టినరోజు అనగానే అందరికీ ఏటా జన్మించిన రోజు గుర్తుకొస్తుంది. అంతేకాదు ప్రతి ఏడు ఆ వేడుకలు ఘనంగా జరుపుకుంటారు. అయితే లీపు సంవత్సరం నాలుగేళ్లకు ఒకసారి మాత్రమే వస్తుంది. ఆ రోజున జన్మించిన వారు పుట్టినరోజునూ నాలుగేళ్లకోసారి జరుపుకోవాల్సి వస్తుంది. అంటే అంతా ప్రతి ఏడాది పుట్టినరోజు వేడుకలు చేసుకుంటుంటే, వీళ్లు మాత్రం నాలుగేళ్లకోసారి వచ్చే ఫిబ్రవరి నెల 29నే వేడుకలు చేసుకునే అవకాశం ఉండడంతో వాటిని మరింత ప్రత్యేకంగా జరుపుకుంటారు.

"నాలుగేళ్లకోసారి బర్త్​డే సెలబ్రేషన్స్ చేసుకోవడం చాలా ఆనందంగా ఉంది. ఈరోజు జన్మించడం ప్రత్యేకంగా భావిస్తున్నాను. ఏటా ఫిబ్రవరి 29 రాదు కాబట్టి నాలుగేళ్లకు ఒకసారి వచ్చే తేదీన పుట్టినరోజును ఘనంగా నిర్వహించుకుంటాం. నాతో పాటు ఈరోజు పుట్టిన రోజు జరుపుకునేవాళ్లందరికీ జన్మదిన శుభాకాంక్షలు". - బర్త్​డే బాయ్

Leap Year Birthday Celebrations In Nizamabad :నిజామాబాద్‌లో పలువురు లీపు రోజున జన్మించగా నేడు వేడుకలకు సిద్ధమయ్యారు. ఏటా ఫిబ్రవరి 29 రాదు కాబట్టి నాలుగేళ్లకు ఒకసారి వచ్చే తేదీన పుట్టినరోజును ఘనంగా నిర్వహించుకుంటామని చెబుతున్నారు. లీపు రోజున పుట్టడంతో అందరిలా ప్రతి ఏటా కాకుండా కుటుంబసభ్యులు నాలుగేళ్లకోసారి ప్రత్యేకంగా వేడుకలు చేస్తున్నారు. నాలుగేళ్లకోసారి వచ్చే పుట్టినరోజును ఆ రోజు జన్మించిన వారంతా ప్రత్యేకంగా భావిస్తున్నారు. అందరికంటే తాము భిన్నమని అనుకుంటున్నారు.

Leap Year Interesting Facts :లీప్ ఇయర్ అనేది మన సాధారణ సంవత్సరంతో పోలిస్తే, అదనపు రోజు ఉన్న క్యాలెండర్ సంవత్సరం. సాధార‌ణంగా ఏడాదికి 365 రోజులుంటాయి. కానీ లీపు సంవ‌త్స‌రంలో ఒకరోజు అద‌నంగా అంటే 366 రోజులుంటాయి. ప్ర‌పంచంలో అత్య‌ధికంగా ఉప‌యోగించే గ్రెగోరియ‌న్ క్యాలెండ‌ర్ ప్ర‌కారం ప్ర‌తి నాలుగేళ్లకోసారి ఈ లీపు సంవ‌త్స‌రం వ‌స్తుంది. అప్పుడు ఫిబ్ర‌వ‌రిలో 29వ తేదీ కూడా ఉంటుంది. నాలుగుతో విభ‌జిత‌మ‌య్యే ప్ర‌తి సంవ‌త్స‌రం ఈ లీపు ఇయర్​ అవుతుంది. ఉదాహ‌ర‌ణ‌కు 2020, 2024. అలాగే 1900 లేదా 00తో ముగిసే సంవ‌త్సరాల‌కు లీపు రాదు. త‌ర్వాతి లీప్ ఇయ‌ర్స్ 2028, 2032, 2036, ఇలా ప్రతి నాలుగేళ్లకు ఓసారి వస్తుంటుంది.