విద్యార్థుల్లో జోష్ నింపిన ఎలాన్​ వేడుకలు - డ్యాన్స్​తో ఉర్రూతలూగించిన యూత్​

IIT Hyderabad Annual Fest 2024 : ఎప్పుడూ పుస్తకాలతో కుస్తీ పట్టే ఐఐటీ హైదరాబాద్‌ విద్యార్థులు ఒక్కసారిగా రెక్కలొచ్చిన పక్షుల్లా మారిపోయారు. సాంస్కృతిక కార్యక్రమాలతో కళాశాల ప్రాంగణాన్ని సందడిగా మార్చేశారు. ఆటపాటలతో పాటు టెక్‌పోటీలనూ నిర్వహించి అదరహో అనిపించారు. ఆద్యంతం ఆకట్టునేలా విద్యార్థులే 3 రోజుల పాటు ఈ వేడుకలను నిర్వహించారు. మరి, వారి ఆధ్వర్యంలో జరిగిన 'ఎలాన్‌- ఎన్‌ విజన్‌' సంబరాల విశేషాలేంటో చూసేద్దామా?

IIT Hyderabad Annual Fest 2024 : చదువుల్లోనే కాదు సరదాల్లోనూ తామెవ్వరికీ తీసిపోమంటున్నారు ఈ ఐఐటీ హైదరాబాద్‌ విద్యార్థులు. దేశంలోని టాప్-10 ఐఐటీలలో ఒకటిగా పేరు సంపాదించిన ఐఐటీహెచ్​లో 17వ వార్షికోత్సవ వేడుకలు ఘనంగా జరిగాయి. ఎప్పుడూ తరగతి గదులకే పరిమితమయ్యే విద్యార్థులు 'ఎలాన్‌- ఎన్‌ విజన్‌'లో(Elan And N vision) నృత్యప్రదర్శనలతో అందరినీ ఉర్రూతలూగించారు. ఈ సందర్భంగా విద్యార్థులు నిర్వహించిన సాంకేతిక పోటీల్లో తెలుగు రాష్ట్రాల్లోని వివిధ కళాశాల విద్యార్థులూ ఉత్సాహంగా పాల్గొన్నారు.

Elan And N vision in IIT H :సంగారెడ్డి జిల్లా కందిలోని ఐఐటీ హైదరాబాద్‌లో(IIT Hyderabad) 'ఎలాన్‌- ఎన్‌ విజన్‌' పేరుతో వార్షికోత్సవాన్ని నిర్వహించారు విద్యార్థులు. నిత్యం తరగతులతో తీరిక లేకుండా గడిపే విద్యార్థులు ఏటా ఈ వేడుకల్లో ఉల్లాసంగా గడుపుతుంటారు. ఈ వేడుకల కోసం 6 నెలల ముందే నివేదిక తయారు చేసుకుని మరీ విద్యార్థులే నిర్వహిస్తుంటారు.

అలరించిన సాంస్కృతిక కార్యక్రమాలు
ఐఐటీ హైదరాబాద్‌లో సాంస్కృతిక కార్యక్రమాలతో పాటు సాంకేతిక పోటీలనూ జోష్‌గా నిర్వహించారు విద్యార్థులు. ఈ టెక్నో పోటీల్లో వివిధ కళాశాలలకుచెందిన విద్యార్థులూ ఉత్సాహంగా పాల్గొన్నారు. దేశంలో ఎక్కడెక్కడో నివసిస్తున్న పూర్వ విద్యార్థులనూ ఈ 3 రోజుల వేడుకల్లో భాగమయ్యారు. ఫోక్‌ డ్యాన్స్‌, ఫ్యాషన్‌ షో వంటి కార్యక్రమాలను ఉత్సాహంగా ఆస్వాదించారు. విద్యార్థులు వైవిధ్యమైన రోబోలు తయారు చేసి వాటిని పోటీల్లో ఉంచారు. ఈ కార్యక్రమంలో విద్యార్థులు ఉత్సాహంగా పాల్గొన్నారు.

IIT Hyderabad Robot competitions : 'ఎలాన్‌- ఎన్‌ విజన్‌'లో మేజ్‌ ఎక్స్‌ప్లోరర్‌ పేరుతో నిర్వహించిన రోబో పోటీలు(ROBOT competitions) అందరి దృష్టినీ ఆకర్షించాయి. ప్రత్యేకించి రోబో సాకర్ పోటీల్లో విద్యార్థులు తయారు చేసిన బ్యాటరీ రోబో వాహనాలు వీక్షకులను అలరించాయి. అలా ఈ పోటీల్లో విభిన్న నమూనాలు ప్రదర్శించి సృజనాత్మకతతో ఆకట్టున్నారు విద్యార్థులు.

IIT Hyderabad Drone Expo : డ్రోన్ ఛాలెంజ్ పేరుతో జరిగిన పోటీల్లోనూ వైవిధ్యమైన డ్రోన్లను ప్రదర్శించారు విద్యార్థులు. నిర్దేశిత నియమాలకు లోబడి డ్రోన్లను తయారు చేసి విజయవంతంగా ప్రదర్శించారు. ఎలాన్‌ వేడుకల్లో నిర్వహించినఫ్యాషన్‌ షోలో తమదైన శైలితో ఆకట్టున్నారు యువతీ యువకులు. దేశంలోని వివిధ సంస్కృతీ, సంప్రదాయాలనూ ప్రతిబింబించేలా జరిగిన ఈ షోను కేరింతలతో ఆస్వాదించారు. ఈ కార్యక్రమాన్ని స్వయంగా నిర్వహించడం వల్ల కమ్యూనికేషన్‌ స్కిల్స్‌ను పెంచుకోగలిగామని అంటున్నారు ఐఐటీ హైదరాబాద్‌లో విద్యార్థులు. సాంకేతిక పోటీల్లో ఇతర కళాశాలల విద్యార్థులతో అనుసంధానం కావడం వల్ల కొత్త విషయాలు తెలుసుకోవచ్చు.