Rs.19 Lakhs For Car Fancy Number in Hyderabad : ఫ్యాన్సీ నంబర్లపై వాహన యజమానుల్లో రోజురోజుకు క్రేజ్ పెరుగుతోంది. తమకు ఇష్టమైన, లక్ కలిసొచ్చే నంబర్లను పొందడానికి ఎంత మొత్తంలోనైనా చెల్లించడానికి వెనకాడటం లేదు. చాలా మంది ఫ్యాన్సీ నెంబర్ స్టేటస్ సింబల్గా భావిస్తుండటంతో ఈ నెంబర్లను పొందడానికి పోటీ ఎక్కువగా ఉంటోంది. బుధవారం రోజున హైదరాబాద్లోని ఖైరతాబాద్ రవాణా శాఖ కార్యాలయంలో జరిగిన వేలంలో భారీ మొత్తంలో ఆదాయం సమకూరింది.
బుధవారం హైదరాబాద్ ఖైరతాబాద్లోని రవాణా శాఖ కార్యాలయంలో జరిగిన వేలంలో టీజీ '09 ఏ9999' నెంబర్ అత్యధికంగా రూ. 19,51,111 పలికింది. హానర్స్ డెవలపర్స్ అనే సంస్థ భారీ మొత్తంలో చెల్లించి ఈ నంబర్ను సొంతం చేసుకుంది. కొత్తగా ప్రారంభమైన టీజీ09 బీ సిరీస్లో '0001' నంబరును రూ. 8లక్షల 25 వేల రూపాయలు పలకగా, ఈ నంబర్ను ఎన్జీ మైండ్ ఫ్రేమ్ సంస్థ దక్కించుకుంది.
మీ వాహనానికి ఫ్యాన్సీ నంబర్ కావాలా ? ఇలా బుక్ చేయండి! - How To Book VIP Number For Vehicle
అదే సరీస్లోని '0009' నంబరును రూ. 6,66,666 చెల్లించి అమరం అక్షరరె డ్డి సొంతం చేసుకున్నారు. '0006' నంబర్ను రూ.2,91,166తో ఏఎంఆర్ ఇండియా దక్కించుకుంది. '0005' నంబరును రూ.2,50,149తో గ్రేటర్ ఇన్ఫ్రా ప్రాజెక్ట్స్ సంస్థ, ఇక '0019' నెంబరును రూ.1.30 లక్షలు చెల్లించి మోల్డ్ టెక్ సంస్థ తీసుకుంది. వీటితో పాటుగా బుధవారం మొత్తం ఫ్యాన్సీ నంబర్ల ద్వారా ఖైరతాబాద్ రవాణా శాఖకు రూ. 51,17,517 ఆదాయం వచ్చినట్లు ఆర్టీఓ అధికారులు వెల్లడించారు.
'ఖైరతాబాద్ రవాణా శాఖకు ఫ్యాన్సీ నంబర్లతో ఒక్కరోజే రూ. 51,17,514 ఆదాయం సమకూరింది. అత్యధికంగా TG 09 A 9999 నంబర్ రూ.19,51,111 ధర పలికింది. TG 09 B 0001 నంబర్ రూ. 8,25,000లు, TG 09 B 0009 నంబర్ రూ. 6,66,666, TG 09 B 0006 నంబర్ రూ. 2,91,166, TG 09 B 0005 రూ. 2,50,149, TG 09 B 0019 నంబర్ రూ.1,30,000 ధర పలికింది.' - రమేశ్, హైదరాబాద్ జేటీసీ
How To Get Fancy Registration Number For Vehicle : మీ బండికి ఫ్యాన్సీ నంబర్ కావాలా?.. సింపుల్గా అప్లై చేసుకోండిలా!
