సంక్రాంతి పండుగ సందర్భంగా కిక్కిరిసిన దేవాలయాలు - శ్రీశైలంలో పెరిగిన రద్దీ

సంక్రాంతి పండుగ సందర్భంగా శ్రీశైలంలో పెరిగిన రద్దీ - నిలిపివేసిన ప్రత్యేక సేవలు - పండుగ రోజు శ్రీవారిని దర్శించుకున్న 78వేల మంది భక్తులు

Huge Devotees To Srisailam Mallanna Swamy Temple :సంక్రాంతి పండుగకు మూడు రోజులు వరస సెలవులు రావడంతో దేవాలయాన్ని కిక్కిరిసిపోయాయి. ఫలితంగా ఏ దేవాలయంలో చూసిన భక్తుల రద్దీ కనిపించింది. కుటుంబ సభ్యులతో వచ్చి దేవుళ్లను దర్శించుకుంటున్నారు. ప్రముఖ శైవ క్షేత్రం శ్రీశైలం భక్తుల రద్దీ పెరిగింది. సంక్రాంతి పండుగ సందర్భంగా పెద్ద ఎత్తున భక్తులు మల్లన్న సన్నిధికి తరలి వచ్చారు. కంపార్ట్​మెంట్లన్ని నిండిపోయాయి. రద్దీ ఎక్కువగా ఉండటంతో ప్రత్యేక సేవలు నిలిపివేశారు. సర్వ దర్శనానికి సుమారు 7గంటల సమయం పడుతోంది. కంపార్ట్​మెంట్లలోని భక్తులకు ఆహారం, మంచినీరు అందిస్తున్నారు.

తగ్గిన రద్దీ :సంక్రాంతి పండుగ రోజు తిరుమల శ్రీవారిని 78వేల మంది భక్తులు దర్శించుకున్నారు. 17,406 మంది భక్తులు తలనీలాలు సమర్పించారు. కాగా పండుగ రోజు హుండీ ఆదాయం రూ.3.44 కోట్లు. తిరుమలలో భక్తుల రద్దీ స్వల్పంగా తగ్గింది.