రాయదుర్గం నాలెడ్జ్‌ సిటీలో అగ్నిప్రమాదం - బయటకు పరుగులు తీసిన సాఫ్ట్​వేర్ ఉద్యోగులు

రాయదుర్గం నాలెడ్జ్‌ సిటీలోని ఓ బార్‌ అండ్‌ రెస్టారెంట్‌లో అగ్నిప్రమాదం - సిలిండర్లు పేలి పాక్షికంగా దెబ్బతిన్న సమీప భవనాలు - హుటాహుటిన భవనం నుంచి బయటకు వచ్చిన పక్క భవన సాఫ్ట్​వేర్ ఉద్యోగులు

Fire Accident in Bar and Restaurant in Raidurgam : హైదరాబాద్​ రాయదుర్గం నాలెడ్జ్‌ సిటీలోని ఓ బార్‌ అండ్‌ రెస్టారెంట్‌లో ఈ ఉదయం అగ్నిప్రమాదం జరిగింది. సత్వ ఎలిక్సిర్ భవనంలోని ఐదో అంతస్తులో డిస్ట్రిక్ట్ 150 బార్‌ అండ్‌ రెస్టారెంట్‌లో మంటలు చెలరేగి అగ్నిప్రమాదం చోటుచేసుకుంది. ఈ క్రమంలో మంటలు నాలుగో అంతస్తుకు వ్యాపించి సిలిండర్లు పేలాయి.

పాక్షికంగా దెబ్బతిన్న సమీప భవనాలు : దీంతో సమీప భవనాలు పాక్షికంగా దెబ్బతిన్నాయి. ఈ నేపథ్యంలో పక్క భవనంలోని ఓ సాఫ్ట్‌వేర్‌ ఉద్యోగులు భయాందోళనకు గురి కాగా, ఘటనా స్థలానికి చేరుకున్న ఫైర్​ సిబ్బంది ఉద్యోగులను కంపెనీ నుంచి బయటకు పంపించారు. అనంతరం మూడు అగ్నిమాపక యంత్రాలతో మంటలార్పారు.