పాత జ్ఞాపకాలు గుర్తు చేసుకున్న మల్లారెడ్డి - వీడియో వైరల్

పాల డబ్బా స్కూటర్​తో మల్లారెడ్డి సందడి - సరదాగా అందరితో ఫొటోలు - పాల వ్యాపారికి శాలువాతో సన్మానం

Malla Reddy Rides Old Milk Bike :మాజీ మంత్రి మల్లారెడ్డి అనగానే మనకు గుర్తొచ్చేది పాలమ్మిన, పూలమ్మిన, కష్టపడ్డా అనే డైలాగ్. ఈ మాస్ డైలాగ్​లతో అంత వరకు రాజకీయ నేతల్లో పేరు పొందిన మల్లారెడ్డి ఒక్కసారిగా యూత్​లో గుర్తింపు తెచ్చుకున్నాడు. యూత్​కు మల్లారెడ్డి ఓ ఐకాన్​గా మారారు. మల్లారెడ్డి ఎక్కడికి వెళ్లినా అందరితో సరదాగా మాట్లాడుతూ నవ్వులు పూయిస్తారు.

పాల డబ్బా స్కూటర్​తో మల్లారెడ్డి: తాజాగా మేడ్చల్ మల్కాజిగిరి జిల్లా బోడుప్పల్​లో ఎమ్మెల్యే మల్లారెడ్డి సందడి చేశారు. ఓ కార్యక్రమానికి వెళ్లిన మల్లారెడ్డికి పాల డబ్బాతో స్కూటర్ కనిపించింది. పాలమ్మి కష్టపడ్డా అన్నట్లుగానే పాత రోజులు గర్తుకువచ్చాయేమో కానీ వెంటనే స్కూటర్​పై ఎక్కి సందడి చేశారు. స్కూటర్ నడుపుతూ సరదాగా అందరితో ఫొటోలు దిగారు. అందరినీ తన డైలాగ్​లతో నవ్వించారు. పాలు అమ్మిన వాళ్లు ఎప్పటికైనా సక్సెస్ అవుతారని పొగిడారు. స్కూటర్​పై పాలు అమ్ముతున్న ఆ వ్యాపారిని శాలువాతో సన్మానించారు. ఒకప్పుడు తాను కూడా స్కూటర్ పైనే పాల వ్యాపారం చేసే వాడినని గుర్తు చేసుకున్నారు. ఈ వీడియో కాస్త వైరల్​గా మారి సోషల్ మీడియాలో చక్కర్లు కొడుతోంది.