వచ్చే నెలలో తెలంగాణ బడ్జెట్​ సమావేశాలు? - నేడు వివిధ శాఖలతో డిప్యూటీ సీఎం భేటీ - TELANGANA ANNUAL BUDGET IN JULY 2024

Telangana Budget in July 2024 : జులై నెలతో రాష్ట్ర ప్రభుత్వం ప్రవేశపెట్టిన ఓటాన్​ అకౌంట్​ గడువు ముగియనుంది. దీంతో తప్పనిసరిగా పూర్తిస్థాయి బడ్జెట్​ను సర్కారు ఆమోదించాలి. ఈ నేపథ్యంలో అందుకు తగిన కసరత్తును నేటి నుంచి ప్రారంభించనుంది. డిప్యూటీ సీఎం భట్టి విక్రమార్క వివిధ శాఖలతో సమావేశమై చర్చించనున్నారు.

Deputy CM Bhatti Meeting on Annual Budget Today :పూర్తిస్థాయి బడ్జెట్​ కోసం రాష్ట్ర ప్రభుత్వం కసరత్తు ప్రారంభించనుంది. ఓటాన్​ అకౌంట్​ గడువు జులై నెలాఖరుతో పూర్తికానుంది. ఆలోగా పూర్తిస్థాయి బడ్జెట్​కు సర్కారు ఆమోదం పొందాల్సి ఉంది. శాఖల వారీగా త్వరలోనే బడ్జెట్​ కసరత్తును ఆర్థికశాఖ చేపట్టనుంది. ఆదాయార్జిత శాఖలతో ఉపముఖ్యమంత్రి మల్లు భట్టి విక్రమార్క నేడు సమావేశం కానున్నారు.

లోక్​సభ ఎన్నికల నేపథ్యంలో రాష్ట్ర ప్రభుత్వం ప్రస్తుత ఆర్థిక సంవత్సరానికి పూర్తిస్థాయి బడ్జెట్​ను ప్రవేశపెట్టకుండా ఓటాన్​ అకౌంట్​ను ప్రవేశపెట్టింది. 2024-25 ఆర్థిక సంవత్సరంలో మొదటి నాలుగు నెలల కాలానికి రాష్ట్ర ప్రభుత్వం ఓటాన్​ అకౌంట్​కు ఆమోదం పొందింది. ఓటాన్​ అకౌంట్​ గడువు జూలై నెలాఖరు వరకు ఉంది. ఆ లోగా రాష్ట్ర ప్రభుత్వం పూర్తిస్థాయి బడ్జెట్​ను ప్రవేశపెట్టి ఉభయసభల ఆమోదం పొందాల్సి ఉంది. ఇందుకోసం ఈ నెలాఖరులో లేదా వచ్చే నెలలో బడ్జెట్​ సమావేశాలు నిర్వహించే అవకాశం ఉంది.

పూర్తిస్థాయి బడ్జెట్​ కోసం ఆర్థికశాఖ త్వరలో కసరత్తు ప్రారంభించనుంది. ఓటాన్​ అకౌంట్​ బడ్జెట్​ రూపకల్పన సమయంలోనే సర్కారు విస్తృత కసరత్తు చేసింది. ఎన్నికల్లో హామీ ఇచ్చిన ఆరు గ్యారంటీలకు ఉజ్జాయింపుగా నిధులను కేటాయించారు. ఇప్పుడు పూర్తిస్థాయి బడ్జెట్​లో గ్యారంటీలకు నిర్ధిష్ట మొత్తాన్ని కేటాయించనున్నారు. రూ.2 లక్షల వరకు రైతు రుణమాఫీకి సంబంధించి కూడా నిధులను పొందుపరచనున్నారు. వీటన్నింటిక సంబంధించి శాఖల వారీగా ఆర్థికశాఖ త్వరలో కసరత్తు ప్రారంభించనుంది.

Telangana Govt Focus on Full Budget : జూలై నెలలో పూర్తిస్థాయి బడ్జెట్​ రూపకల్పనకు సంబంధించి ఆయా శాఖల నుంచి నిర్ధిష్ట ప్రతిపాదనలను తీసుకొని పద్దును రూపొందించనున్నారు. ఈలోగా కేంద్ర ప్రభుత్వం కూడా పూర్తిస్థాయి బడ్జెట్​ ప్రవేశపెడితే నిధులకు సంబంధించిన మరింత స్పష్టత రానుంది. ఆ అంశాన్ని కూడా పరిగణలోకి తీసుకొని పూర్తిస్థాయి బడ్జెట్​ కసరత్తు చేయనున్నారు. బడ్జెట్​ కసరత్తుగా ప్రారంభంగా ఆదాయ ఆర్జిత శాఖలతో ఉపముఖ్యమంత్రి మల్లు భట్టి విక్రమార్క నేడు సమావేశం కానున్నారు.

రాష్ట్ర ఎక్సైజ్​, వాణిజ్య పన్నులు, రవాణా, పరిశ్రమలు, గనులు తదితర శాఖల మంత్రులు, అధికారులతో డిప్యూటీ సీఎం సమావేశం కానున్నారు. ఓటాన్​ అకౌంట్​ బడ్జెట్​లో పొందుపరిచిన ఆదాయాలు, ఇప్పటివరకు వచ్చిన ఆదాయం, తదితరాలపై సమావేశంలో చర్చించనున్నారు. ఆర్థిక వనరుల సమీకరణ ఆదాయాన్ని పెంచుకునే అంశంపై కూడా సమావేశంలో చర్చించనున్నారు.