ఏపీలో తాజా ఓటర్ల సంఖ్య ఎంతో తెలుసా?

రాష్ట్రంలో జనవరి 1 నాటికి ఓటర్ల తుది జాబితా విడుదల చేసిన రాష్ట్ర ఎన్నికల ప్రధానాధికారి - మొత్తం ఓటర్లు 4.14 కోట్లు ఉన్నట్లు వెల్లడి

AP CEO Releases 2025 Final Voter List :ఆంధ్రప్రదేశ్​లో 2025 జనవరి 1వ తేదీ నాటికి తుది ఓటర్ల జాబితాను రాష్ట్ర ఎన్నికల ప్రధాన అధికారి వివేక్ యాదవ్ విడుదల చేశారు. రాష్ట్రంలో మొత్తం 4,14,40,447 మంది ఓటర్లు ఉన్నారు. అందులో మహిళా ఓటర్ల సంఖ్య 2,10,81,814 మందిగా నమోదు కాగా పురుష ఓటర్లు సంఖ్య 2,02,88,543గా నమోదు అయ్యింది. సర్వీసు ఓటర్ల సంఖ్య 66,690గా ఉంది. థర్డ్ జండర్ ఓటర్ల సంఖ్య 3400గా ఉన్నారు. రాష్ట్రంలోని పోలింగ్ కేంద్రాల సంఖ్య 46,397కు పెరిగింది. గత ఏడాదితో పోలిస్తే 232 పోలింగ్ కేంద్రాల పెరుగుదల నమోదు అయ్యింది. గత జాబితాతో పోలిస్తే 18-19 ఏళ్ల మధ్య ఉన్న ఓటర్ల సంఖ్య 5,14,646గా నమోదు అయ్యారు. ఈ మేరకు ఓటర్ల తుది జాబితాను రాష్ట్ర ఎన్నికల ప్రధాన అధికారి విడుదల చేసారు.