AP Congress Candidates List: ఆంధ్రప్రదేశ్లో కాంగ్రెస్ లోక్సభ, అసెంబ్లీ అభ్యర్థుల స్థానాలను పార్టీ ఖరారు దాదాపు చేసినట్లు తెలుస్తోంది. దిల్లీలో ఏఐసీసీ అధ్యక్షుడు మల్లిఖార్జున ఖర్గే నేతృత్వంలో కాంగ్రెస్ ఎన్నికల కమిటీ (సీఈసీ) భేటీ నిర్వహించారు. అభ్యర్దులు ఎంపికపై చర్చ జరిగింది. ఈ భేటీకి ఎపీసీసీ అధ్యక్షురాలు షర్మిల, సీడబ్ల్యూసీ సభ్యుడు రఘువీరారెడ్డి, సీనియర్‌ నేత కొప్పుల రాజు, పార్టీ రాష్ట్ర వ్యవహారాల ఇన్‌ఛార్జ్‌ మణికం ఠాగూర్‌ హాజరయ్యారు.
ఈ మేరకు ఏపీకి సంబంధించిన 117 అసెంబ్లీ, 17 లోక్సభ స్థానాలను దాదాపు ఖరారు చేసింది. 58 అసెంబ్లీ, 8 లోక్సభ స్థానాలపై పెండింగ్ పెట్టినట్లు సమాచారం. కడప ఎంపీ అభ్యర్థిగా పీసీసీ అధ్యక్షురాలు షర్మిల పోటీ చేయనుంది. రాజమండ్రి ఎంపీ అభ్యర్థిగా గిడుగు రుద్రరాజు, విశాఖ ఎంపీ అభ్యర్థి సత్యారెడ్డి, కాకినాడ ఎంపీ అభ్యర్థి పళ్లంరాజు, బాపట్ల లోక్సభ అభ్యర్థిగా జె.డి.శీలం పోటీకి దిగుతున్నారు.
నంద్యాల, తిరుపతి, అనంతపురం, కర్నూలు లోక్సభ స్థానాలు పెండింగ్లో ఉన్నాయి. విజయవాడ, అరకు, గుంటూరు, అమలాపురం ఎంపీ స్థానాలు ఇంకా ఖరారు చేయలేదు. ఈ ఎన్నికల్లో రఘువీరారెడ్డి పోటీకి దూరంగా ఉండనున్నారు. ఈనెల 9న మరోసారి సీఈసీ భేటీ అయ్యే అవకాశం ఉంది.