వరల్డ్​కప్​ వేళ USA సంచలనం- బంగ్లాకు షాకిచ్చి సిరీస్ పట్టేసిన అమెరికా - USA vs BAN T20 Series 2024

USA vs BAN T20 Series 2024: అమెరికా వేదికగా యూఎస్​ఏతో జరుగుతున్న టీ20 సిరీస్​లో బంగ్లాదేశ్​కు భంగపాటు ఎదురైంది. పసికూన యూఎస్​ఏతో బంగ్లా వరుసగా రెండు మ్యాచ్​ల్లో ఓడి సిరీస్ చేజార్చుకుంది.

USA vs BAN T20 Series 2024:T20 క్రికెట్​లో పసికూన యూఎస్​ఏ సంచలనం సృష్టించింది. స్వదేశంలో బంగ్లాదేశ్​తో జరుగుతున్న టీ20 సిరీస్​(2-0)ను మరో మ్యాచ్ మిగిలుండగానే చేజిక్కించుకుంది. సిరీస్​లో భాగంగా శుక్రవారం జరిగిన రెండో టీ20​లో యూఎస్​ఏ 6 పరుగుల తేడాతో నెగ్గింది. ఈ మ్యాచ్​లో తొలుత బ్యాటింగ్ చేసిన యూఎస్​ఏ నిర్ణీత 20 ఓవర్లలో 6 వికెట్ల నష్టానికి 144 పరుగులు చేసింది. స్వల్ప లక్ష్య ఛేదనలో బంగ్లాదేశ్ 19.3 ఓవర్లలో 138 పరుగులకే ఆలౌటైంది. కాగా, రీసెంట్​గా తొలి టీ20లోనూ నెగ్గిన యూఎస్​ఏ తాజా విజయంతో సిరీస్​ దక్కించుకుంది.