తెలంగాణ

telangana

By ETV Bharat Telugu Team

Published : Jun 25, 2024, 10:43 AM IST

Updated : Jun 25, 2024, 11:05 AM IST

ETV Bharat / sports

ఉత్కంఠ పోరులో బంగ్లాదేశ్​పై విజయం - సెమీస్​కు చేరిన అఫ్గానిస్థాన్​ - T20 Worldcup 2024

T20 Worldcup 2024 Bangladesh VS Afghanisthan : టీ20 ప్రపంచ కప్​2024లో అఫ్గానిస్థాన్​ సంచలనం సృష్టించింది. చివరి బంతి వరకూ ఉత్కంఠగా సాగిన ఈ సూపర్ 8 మ్యాచ్​లో బంగ్లాపై విజయం సాధించింది. దీంతో నేరుగా గ్రూప్ 1 నుంచి సెమీస్ చేరుకుంది అఫ్గాన్​. ఇప్పటికే ఈ గ్రూప్ నుంచి టీమ్​ఇండియా సెమీస్ చేరిన విషయం తెలిసిందే.

source ETV Bharat
T20 Worldcup 2024 (source ETV Bharat)

T20 Worldcup 2024 Bangladesh VS Afghanisthan :టీ20 ప్రపంచ కప్​2024లో అఫ్గానిస్థాన్​ సంచలనం సృష్టించింది. అద్భుత విజయంతో తొలిసారి సెమీ ఫైనన్​లో అడుగుపెట్టిందా జట్టు. మంగళవారం (జూన్ 25) చివరి బంతి వరకూ హోరీహోరీగా సాగిన సూపర్ 8 మ్యాచ్​లో డక్ వర్త్ లూయిస్ పద్ధతిలో 8 పరుగుల తేడాతో బంగ్లాపై థ్రిల్లింగ్ విక్టరీ సాధించింది. దీంతో నేరుగా గ్రూప్ 1 నుంచి సెమీస్ చేరుకుంది అఫ్గాన్​. ఇప్పటికే ఈ గ్రూప్ నుంచి టీమ్​ఇండియా సెమీస్ చేరిన విషయం తెలిసిందే. ఆఫ్గాన్​ విజయంతో ఆస్ట్రేలియా ఇంటిదారి పట్టింది. గ్రూప్ 2 లో ఇంగ్లాండ్, సౌతాఫ్రికా సెమీస్​కు అర్హత సాధించాయి. దీంతో తొలి సెమీఫైనల్ సౌతాఫ్రికా, ఆఫ్ఘానిస్థాన్ మధ్య జరగనుంది.

మ్యాచ్ సాగిందిలా - తాజాాగా జరిగిన పోరులో మొదట బ్యాటింగ్ చేసిన అఫ్గానిస్థాన్​ నిర్ణీత 20 ఓవర్లలో 5 వికెట్లు కోల్పోయి 115 పరుగులు చేసింది. లక్ష్య ఛేదనలో బంగ్లాదేశ్ 105 పరుగులకే పరిమితమైంది. 116 పరుగుల లక్ష్యంతో బరిలోకి దిగిన బంగ్లాదేశ్ ఆదిలోనే షాక్ తగిలింది. ఆరంభంలోనే వరుసగా వికెట్లను కోల్పోయింది. పేసర్లు ఫజల్ ఫారూఖీ, నవీన్ ఉల్ హక్ విజృంభించడం వల్ల 23 పరుగులకే మూడు వికెట్లను కోల్పోయింది. ఈ దశలో సౌమ్య సర్కార్, లిటన్ దాస్ జట్టును కాస్త ఆదుకునే ప్రయత్నం చేశారు. ఈ క్రమంలోనే స్వల్ప భాగస్వామ్యం నెలకొల్పిన తర్వాత సౌమ్య సర్కార్ పెవిలియన్ చేరాడు. ఓ వైపు వికెట్లు పడుతున్నా మరోవైపు లిటన్ దాస్ (54) క్రీజ్​లో పాతుకుపోయి ఆడాడు. అర్ధ శతకం బాది చివరి వరకు క్రీజులో ఉన్నా జట్టుకు విజయాన్ని అందించలేకపోయాడు. ఆఫ్గాన్​ బౌలర్లు రషీద్ ఖాన్, నవీనుల్ హక్ కూడా చెరో 4 వికెట్లు తీసి కీలకంగా వ్యవహరించాడు.

సెమీ ఫైనల్ ఎప్పుడంటే?- అఫ్గానిస్థాన్ గురువారం (జూన్ 27) ఉదయం జరగబోయే తొలి సెమీఫైనల్లో దక్షిణాఫ్రికాతో తలపడనుంది. మరో సెమీఫైనల్ అదే రోజు రాత్రి 8 గంటలకు టీమ్​ఇండియా - ఇంగ్లాండ్​ మధ్య జరగనుంది. మరి సెమీస్ వరకు సంచలన విజయాలతో దూసుకొచ్చిన ఆఫ్గాన్​ జట్టు సౌతాఫ్రికాపై ఏం చేస్తుందో చూడాలి. ఏదేమైనా ఈ ప్రపంచకప్​లో న్యూజిలాండ్, ఆస్ట్రేలియాలాంటి హాట్ ఫేవరెట్స్​కు షాకిచ్చిన అఫ్గాన్​ జట్టును సఫారీలు తేలిగ్గా తీసుకోరనే చెప్పాలి.

పంత్​ను బూతులు తిట్టిన కెప్టెన్ రోహిత్​ - ఈ వైరల్ వీడియో చూశారా? - T20Worldcup 2024

బాబర్​ను దాటేసిన రోహిత్​ - భారత్​xఆసీస్​ మ్యాచ్​లో నమోదైన రికార్డులివే - T20 Worldcup 2024

Last Updated : Jun 25, 2024, 11:05 AM IST

ABOUT THE AUTHOR

...view details