Smriti Mandhana Virat Kohli: 2024 డబ్ల్యూపీఎల్ సందర్భంగా రాయల్ ఛాలెంజర్స్ బెంగళూరు కెప్టెన్ స్మృతి మంధాన రీసెంట్గా ఓ ఇంటర్వ్యూలో పాల్గొంది. ఆర్సీబీ ఇన్సైడర్ పేరుతో ప్రముఖ యాంకర్ నాగ్స్ (దానిశ్ సైత్) ఈ ఇంటర్వ్యూను హోస్ట్ చేశారు. ఆద్యంతం సరదాగా సాగిన ఈ ఇంటర్వ్యూలో స్మృతి హోస్ట్ నాగ్స్తో కలిసి పిక్షనరీ (డ్రాయింగ్) గేమ్ ఆడింది. ఈ గేమ్లో ఒకరు గీసిన డ్రాయింగ్ను మరోకరు గెస్ చేసి చెప్పాలి.
ఈ నేపథ్యంలో స్మృతి ఫన్నీగా ఓ కార్టూన్ గీసింది. ఆ బొమ్మకు తలపై కిరీటం పెట్టి అది ఎవరో గెస్ చేయాలని నాగ్స్కు సవాల్ విసిరింది. అయితే ఆప్పటికే డ్రాయింగ్ను కనిపిట్టిన నాగ్స్, కాసేపు తనకు తెలియనట్లుగా ఏవో ఏవో ఆన్సర్స్ చెప్పారు. తలపై గీసిన కిరీటాన్ని చూపుతూ గెస్ చేయాలని స్మృతి అడగ్గా 'అది ఎవరో నాకు తెలుసు. అతడు నా డియరెస్ట్ ఫ్రెండ్ కింగ్ కోహ్లీ' అని అన్సర్ చెబుతాడు. ఈ వీడియోను ఆర్సీబీ అఫీషియల్ యూట్యూబ్ ఛానెల్లో షేర్ చేసింది. అయితే క్రికెట్లో విరాట్ కోహ్నీని ఫ్యాన్స్ కింగ్ అని అంటుంటారు. అందుకే స్మృతి విరాట్ కార్టూన్కు కిరీటం గీసింది. దీంతో విరాట్ 'కింగ్' అంటూ ఫ్యాన్స్ కామెంట్ చేస్తున్నారు.
మ్యారేజ్ ప్రపోజల్:ఇక మంగళవారం రాయల్ ఛాలెంజర్స్ బెంగళూరు- గుజరాత్ జెయింట్స్ మ్యాచ్ మధ్యలో ఓ ఇంట్రెస్టింగ్ సంఘటన జరిగింది. ఆర్సీబీ ప్లేయర్ శ్రేయాంకా పాటిల్కు మ్యారెజ్ ప్రపోజల్ వచ్చింది. మ్యాచ్ చూసేందుకు వచ్చిన ఓ వ్యక్తి 'నన్ను పెళ్లి చేసుకుంటావా శ్రేయాంక' అని రాసి ఉన్న ప్లకార్డ్ను ప్రదర్శించాడు. దీన్ని కెమెరామేన్ బిగ్ స్క్రీన్లో చూపించగానే స్టేడియంలో ఉన్న అందరూ నవ్వుకున్నారు. దీంతో ఈ వీడియో సోషల్ మీడియాలో వైరలైంది.