Shoaib Cheated Sania:పాకిస్థాన్ మాజీ క్రికెటర్ షోయబ్ మాలిక్ మూడో పెళ్లి కొన్ని రోజులుగా క్రీడా వర్గాల్లో చర్చనీయాంశమైంది. పాకిస్థాన్ నటి సనా జావేద్ను షోయబ్ ఇటవల పెళ్లి చేసుకున్న నేపథ్యంలో అతడి మాజీ భార్య, టెన్నిస్ స్టార్ సానియా మీర్జాకు ఆ దేశ ప్రజల నుంచి మద్దతు లభిస్తోంది. అయితే షోయబ్- సనా జావేద్తో రిలేషన్లో ఉంటూనే మూడేళ్లుగా సానియాను చీట్ చేస్తున్నాడని పాకిస్థాన్కు చెందిన ఓ టీవీ ఛానెల్ తెలిపింది.
'షోయబ్ మాలిక్- సనా జావేద్తో మూడేళ్లుగా రిలేషన్ కొనసాగిస్తున్నాడు. అప్పటినుంచి సానియాను చీట్ చేస్తూ వచ్చాడు. షోయబ్ను ఏదైనా టీవీ ప్రోగ్రామ్కు ఆహ్వానిస్తే, సనాను కూడా పిలవాల్సిందిగా షరతులు పెట్టేవాడు. అయితే ఈ రిలేషన్ గురించి సనా మాజీ భర్త ఉమెర్ జస్వాల్కు తెలీదు. కానీ, సానియా ఫ్యామిలీతోపాటు, షోయబ్ కుటుంబ సభ్యులకు ఏడాది కిందటే ఈ విషయం తెలుసు. అప్పటినుంచి ఇరు కుటుంబాలు అతడికి నచ్చజెప్పే ప్రయత్నాలు చేసినా, షోయబ్ ఎవరి మాట వినలేదు. మరోవైపు షోయబ్తో పెళ్లికి మూడు నెలల ముందే సనా తన మాజీ భర్త ఉమెర్ జస్వల్కు విడాకులు ఇచ్చింది' అని టీవీ ఛానెల్ పాడ్కాస్ట్ ప్రోగ్రామ్లో పేర్కొంది.
కాగా, షోయబ్ మాలిక్ 2010లో తన మొదటి భార్య ఆయేషా సిద్దిఖీకి విడాకులు ఇచ్చి అదే ఏడాది సానియాను పెళ్లాడాడు. వీరికి 2018లో ఇజహాన్ అనే కుమారుడు జన్మించాడు. అయితే కొంతకాలంగా సానియా- షోయబ్ విడిపోతున్నారని వార్తలు వచ్చాయి. ఇక సానియా కొన్ని నెలల ముందే షోయబ్కు ఖులా (ముస్లిం మహిళలు తమ వైపు నుంచి విడాకులు ఇవ్వడం) పద్దతిలో విడాకులు ఇచ్చిందని, అతడు మూడో పెళ్లి చేసుకున్న తర్వాత ఆమె కుటుంబ సభ్యులు క్లారిటీ ఇచ్చారు. మరోవైపు సనా జావేద్ కూడా 2020లో పాకిస్థాన్ సింగర్ ఉమెర్ జస్వాల్ను పెళ్లాడింది.