Pakistan Vs Canada T20 World Cup 2024 :వరుస ఓటములతో డీలాపడ్డ పాకిస్థాన్ ఆఖరికి తొలి విజయాన్ని తన ఖాతాలో వేసుకుంది. టీ20 ప్రపంచకప్లో భాగంగా మంగళవారం జరిగిన గ్రూప్‌-ఎ మ్యాచ్లో 7 వికెట్ల తేడాతో కెనడాను చిత్తు చేసింది.
పాకిస్థాన్ ప్లేయర్స్ మహ్మద్‌ ఆమిర్‌ (2/13), హారిస్‌ రవూఫ్‌ (2/26) తమ బౌలింగ్తో చెలరేగడం వల్ల కెనడా జట్టు 20 ఓవర్లలో 106/7కే పరిమితమైంది. అరోన్‌ జాన్సన్ (52); టాప్‌ స్కోరర్గా నిలిచాడు. జాన్సన్ మినహా మిగతా అందరూ తక్కువ స్కోర్తోనే సరిపెట్టుకున్నారు.
ఇక కెనడా నిర్దేశించిన స్వల్ప లక్ష్యాన్ని పాక్ 17.2 ఓవర్లలో 3 వికెట్లు మాత్రమే కోల్పోయి అందుకుంది. మహ్మద్‌ రిజ్వాన్ (53*) తన ఇన్నింగ్స్లో అదరగొట్టగా, కెప్టెన్ బాబర్ అజామ్‌ (33), కూడా జట్టుకు మంచి స్కోర్ అందించాడు. మిగతా ప్లేయర్లు సింగిల్ డిజిట్ స్కోర్కే పరిమితమైనప్పటికీ ఈ ఇద్దరి స్కోర్ జట్టు విజయంలో కీలక పాత్ర పోషించింది. కెనడా బౌలర్లలో డిల్లాన్ హేలిగర్ రెండు వికెట్లు తన ఖాతాలో వేసుకోగా, జెరెమీ గోర్డాన్ ఒక్క వికెట్ తీశాడు.