ICC Rankings ODI:పాకిస్థాన్ బ్యాటర్ బాబర్ ఆజమ్ ఐసీసీ రీసెంట్గా రిలీజ్ చేసిన వన్డే ర్యాకింగ్స్లో అగ్ర స్థానం నిలబెట్టుకున్నాడు. అయితే దాదాపు 8నెలల నుంచి ఈ ఫార్మాట్లో బరిలో దిగని బాబర్ ఇంకా టాప్లోనే ఉండడంపై పాక్ మాజీ ఆటగాడు బసిత్ అలీ విస్మయం వ్యక్తంచేశాడు. అతడు మ్యాచ్లు ఆడకపోయినా ఐసీసీ ర్యాంక్ కేటాయిస్తున్నట్లు ఉందని అన్నాడు. ఈ ర్యాంకింగ్ సిస్టమ్ తనకు అర్థం కావట్లేదని పేర్కొన్నాడు.
'ఐసీసీ వన్డే బ్యాటింగ్ ర్యాంకింగ్స్ చూశా. బాబర్ అజామ్‌ టాప్లో ఉన్నాడు. రోహిత్ శర్మ, శుభ్మన్ గిల్, విరాట్ కోహ్లీ వరుసగా తర్వాత స్థానాల్లో నిలిచారు. ఇక ఇతర పొజిషన్లను చూడాల్సిన అవసరం లేదని అనుకుంటున్నా. ఈ ర్యాంకులను చూస్తుంటే బాబర్ అజామ్‌ ఆడకపోయినా ఫర్వాలేదు అన్నట్లుగా ఐసీసీ తీరు ఉంది. వన్డేల్లో టాప్ ర్యాంకర్గా ఉన్నందుకు బాబర్ సంతోషపడతాడు. అసలు ఇలాంటి ర్యాంకులను ఇచ్చిందెవరు? దేని ప్రకారం బాబర్ ఆజామ్‌, గిల్ ఈ ప్లేస్ల్లో ఉన్నారు. గతేడాది వన్డే వరల్డ్కప్లో ఆడిన మ్యాచే బాబర్కు ఆఖరిది. ఆ తర్వాత అతడు ఒక్కసారి కూడా బరిలోకి దిగలేదు. అయినప్పటికీ అతడి ర్యాంకు మాత్రం అలానే ఉంది. ఇక భారత యంగ్ బ్యాటర్ శుభ్మన్ గిల్ శ్రీలంకపైనే ఆడాడు. అందులో గొప్ప ప్రదర్శనేమీ చేయలేదు. మరోవైపు గత వన్డే ప్రపంచకప్‌లో రచిన్ రవీంద్ర, క్వింటన్ డికాక్, ట్రావిస్ హెడ్, విరాట్ కోహ్లీ తదితరుల ఆటను చూశాం. టోర్నీలో అద్భుతంగా ఆడి సెంచరీలు సాధించారు. పాక్ నుంచి కేవలం రిజ్వాన్, ఫఖర్ జమాన్ మాత్రమే శతకాలు చేశారు. అలాంటప్పుడు ర్యాంకుల విధానం సరిగ్గా లేదని అనిపిస్తోంది' అని బసిత్ పేర్కొన్నాడు.