Ms Dhoni New Look :టీమ్ఇండియా మాజీ క్రికెటర్ ధోనీ తాజాగా న్యూ స్టైల్లో నెట్టింట తెగ సందడి చేస్తున్నాడు. గత ఐపీఎల్ సీజన్ నుంచి ఇప్పటివరకూ పొడుగు జట్టుతో కనిపించిన ఆయన తాజాగా కొత్త లుక్లోకి మారిపోయాడు. దీనికి సంబంధించిన ఫొటోలను ప్రముఖ హెయిర్ స్టయిలిస్ట్‌ ఆలిమ్ హ‌కిమ్ తాజాగా సోషల్ మీడియాలో అప్లోడ్ చేయగా, దానికి విపరీతమైన రెస్పాన్స్ వస్తోంది.
ఇవి చూసిన అభిమానులు ఆయనపై కామెంట్ల వర్షం కురిపిస్తున్నారు. 'హాలీవుడ్ హీరోలా ఉన్నావ్‌', 'తల నీ లుక్ అదిరిపోయింది', 'ఓల్డ్ లుక్ను మిస్ అవుతున్నాం' అని అంటున్నారు.
ఇక ధోనీ క్రికెట్ కెరీర్ విషయానికి వస్తే, 2019లో న్యూజిలాండ్‌తో జరిగిన ప్రపంచకప్ సెమీ ఫైనల్‌లో టీమ్ఇండియా తరఫున ఆఖరి మ్యాచ్ ఆడి, ఆ తర్వాత అంతర్జాతీయ క్రికెట్కు రిటైర్మెంట్ పలికాడు.దీంతోగత కొంతకాలంగా ఆయన ఐపీఎల్లో చెన్నై సూపర్ కింగ్స్ జట్టుకు ప్రాతినిథ్యం వహిస్తున్నాడు. ఓ కెప్టెన్గా, అలాగే కీలక ప్లేయర్గా జట్టును ముందుకు నడిపించిన మిస్టర్ కూల్, ఆ టీమ్ను ఏకంగాఐదు సార్లు ఛాంపియన్గా నిలిపాడు.