రఫ్పాడించిన షమీ- ఫోర్లు, సిక్స్​లతో విమర్శలకు చెక్?

అదరగొట్టిన షమీ - టార్గెట్ ఆసీస్ పర్యటనే?

Shami Syed Mushtaq Ali Trophy :టీమ్ఇండియా స్టార్ పేసర్ మహ్మద్ షమీ అదరగొట్టాడు. అయితే ఈసారి అదరగొట్టింది బంతితో కాదు, బ్యాటుతో. 17 బంతుల్లోనే 32 పరుగులు బాదాడు. ఈ మెరుపు ఇన్నింగ్స్​లో 3 ఫోర్లు, 2 సిక్స్​లు ఉన్నాయి. అయితే షమీ ఈ బౌండరీలు స్టార్ పేస్ సందీప్ శర్మ బౌలింగ్​లో బాదడం మరింత విశేషం. కాగా, తన ఫిట్​నెస్​పై చర్చలు జరుగుతున్న నేపథ్యంలో షమీ ఈ విధంగా బ్యాటింగ్​లోనూ రఫ్పాడించడం అతడికి కలిసొచ్చే అంశం.

2024 సయ్యద్ ముస్తాక్ అలీ టోర్నీలో బంగాల్​ జట్టుకు ప్రాతినిధ్యం వహిస్తున్న షమీ సోమవారం జరిగిన ప్రీ క్వార్టర్ ఫైనల్​లో బరిలోకి దిగాడు. బంగాల్- చండీగఢ్ జట్ల మధ్య మ్యాచ్ జరిగింది. ఈ మ్యాచ్​లో టాస్ నెగ్గిన చండీగఢ్ బౌలింగ్ ఎంచుకుంది. షమీ 15.2 ఓవర్ వద్ద క్రీజులోకి వచ్చాడు. 19వ ఓవర్​ వరకు షమీ 11 బంతుల్లో 14 పరుగులు చేశాడు. ఆఖరి ఓవర్లో స్ట్రైకింగ్​లో ఉన్న షమీ రెండు సిక్స్​లు, ఓ ఫోర్ సహా 19 పరుగులు బాదాడు. దీంతో బంగాల్​కు 159 పరుగుల గౌరవప్రదమైన స్కోర్ దక్కింది.