MI VS RR IPL 2024 :ముంబయిలోని వాంఖడే స్టేడియం వేదికగా రాజస్థాన్, ముంబయి మధ్య జరిగిన ఉత్కంఠ పోరులో రాజస్థాన్ జట్టు విజయం సాధించింది. ఆరు వికెట్ల తేడాతో గెలుపొందింది. దీంతో ముంబయికి మూడో ఓటమి తప్పలేదు.
టాస్‌ ఓడి తొలుత బ్యాటింగ్‌ చేసిన ముంబయి నిర్ణీత 20 ఓవర్లలో 9 వికెట్ల నష్టానికి 125 పరుగులు చేసింది. రాజస్థాన్ బౌలర్లు చెలరేగి ప్రత్యర్థులకు చుక్కలు చూపించారు. దీంతో 20 పరుగులకే నాలుగు వికెట్లు కుప్పకూలాయి. ఎదుర్కొన్న తొలి బంతికే రోహిత్ శర్మ (0) వెనుదిరిగాడు. ఆ తర్వాత వచ్చిన నమన్ ధిర్ (0) ఎల్బీడబ్ల్యూగా వెనుదిరిగాడు. తనతో పాటు ఇంపాక్ట్ ప్లేయర్ డెవాల్డ్ బ్రెవిస్ (0) కూడా వెనువెంటనే ఔటయ్యాడు. దీంతో ఈ మ్యాచ్లో మూడు గోల్డెన్ డక్లు నమోదయ్యాయి. అంతే కాకుండా ఈ ముగ్గురూ బౌల్ట్ బౌలింగ్‌లోనే ఔటవ్వడం విశేషం.
మరోవైపు 16 పరుగులు చేసి ఇషాన్ కిషన్ ఔటవ్వగా, కెప్టెన్ హార్దిక్ పాండ్య (34) తిలక్ వర్మ(24) దూకుడుగా ఆడారు. కానీ కాసేపటికే వారిని కూడా వెనుతిరిగేలా చేశారు రాజస్థాన్ బౌలర్లు. టిమ్ డేవిడ్ (17) కూడా ధాటిగా ఆడలేకపోయాడు. అయితే ఆఖరిలో వచ్చిన జస్‌ప్రీత్‌ బుమ్రా (8*), ఆకాశ్‌ మధ్వల్ (4*) జాగ్రత్తగా ఆడటం వల్ల ముంబయి ఆలౌట్‌ నుంచి తప్పించుకుంది.