బుమ్రా బౌలింగ్​లో సిక్సర్ కొట్టిన ఆసీస్ ప్లేయర్ - డెబ్యూ మ్యాచ్​లోనే రెండు రికార్డులు సొంతం

సామ్ కాన్‌స్టాస్‌ విధ్వంసకర బ్యాటింగ్ - డెబ్యూ మ్యాచ్​లోనే రెండు రికార్డులు సొంతం

Sam Konstas Boxing Day Test : ఆస్ట్రేలియా అరంగేట్ర ప్లేయర్ సామ్ కాన్‌స్టాస్‌ విధ్వంసకర బ్యాటింగ్​తో చెలరేగాడు. బోర్డర్- గావస్కర్ ట్రోఫీలో భాగంగా ఆస్ట్రేలియాతో మెల్​బోర్న్ వేదికగా గురువారం ప్రారంభమైన నాలుగో టెస్టుతో అంతర్జాతీయ క్రికెట్​లోకి అడుగుపెట్టిన ఈ యంగ్ ప్లేయర్ అసాధారణ బ్యాటింగ్​తో ఆకట్టుకున్నాడు. తొలి మ్యాచ్​లోనే ఏమాత్రం బెరుకు లేకుండా భారత బౌలర్లపై విరుచుకుపడ్డాడు.

బుమ్రా ఓవర్​లో సిక్సర్
ముఖ్యంగా వరల్డ్​క్లాస్ పేసర్ జస్​ప్రీత్ బుమ్రా‌పై విరుచుకుపడ్డాడు. 2021 నుంచి టెస్టుల్లో ఒక్క సిక్స్ కూడా ఇవ్వని బుమ్రా, సామ్ కాన్‌స్టాస్‌ ధాటికి ఈ మ్యాచ్​లో సమర్పించుకున్నాడు. దాదాపు 4,483 బంతుల తర్వాత బుమ్రా బౌలింగ్​లో ఈ సిక్స్‌ నమోదైంది. అటాకింగ్ గేమ్​తో బుమ్రాను బ్యాక్ ఫుట్​లో పెట్టిన సామ్, మిగతా బౌలర్లపై కూడా అదే రీతిలో విరుచుకుపడ్డాడు.

వన్డే తరహాలో బ్యాటింగ్
కాన్‌స్టాస్‌ వన్డే తరహాలో బ్యాటింగ్‌ చేశాడు. అరంగేట్ర టెస్టులోనే 52 బంతుల్లో హాఫ్‌ సెంచరీ పూర్తి చేశాడు. ఆ తర్వాత రవీంద్ర జడేజా అద్భుతమైన బంతికి కాన్‌స్టాస్‌ 60 పరుగుల వ్యక్తిగత స్కోరు వద్ద వికెట్ల ముందు దొరికిపోయాడు.

మూడో ప్లేయర్ గా రికార్డు
అయితే కాన్‌స్టాస్‌ అరంగేట్ర మ్యాచ్​లోనే పలు రికార్డులను నమోదు చేశాడు. ఆస్ట్రేలియా తరఫున టెస్టుల్లో అరంగేట్రం చేసిన అతిపిన్న వయస్కుడైన(19 ఏళ్లు ) ఆటగాడిగా రికార్డుకెక్కాడు. అలాగే అరంగేట్ర మ్యాచ్​లోని హాఫ్ సెంచరీ మూడో ఆస్ట్రేలియా ప్లేయర్​గా రికార్డు సాధించాడు. 1999లో పాకిస్థాన్​పై జరిగిన మ్యాచ్​లో ఆడమ్ గిల్​క్రిస్ట్ 56 బంతుల్లో హాఫ్ సెంచరీ చేశాడు. 2013లో ఇంగ్లండ్​పై అగర్ 50 బంతుల్లో అర్ధ శతకం సాధించాడు. తాజాగా టీమ్​ఇండియాపై కాన్‌స్టాస్‌ 52 బాల్స్​లో హాఫ్ సెంచరీ చేశాడు.

ఇదిలా ఉండగా, తొలి రోజు ఆట ముగిసేసమయానికి ఆస్ట్రేలియా జట్టు 86 ఓవర్లలో ఆరు వికెట్ల నష్టానికి 311 పరుగులు స్కోర్ చేసింది. క్రీజ్‌లో పాట్ కమిన్స్ (8*), స్టీవ్ స్మిత్ (68*) ఉన్నారు. టీమ్ఇండియా బౌలర్లలో జస్‌ప్రీత్ బుమ్రా 3, వాషింగ్టన్ సుందర్, ఆకాశ్‌ దీప్, రవీంద్ర జడేజా ఒక్కో వికెట్ పడగొట్టారు.