Highest Chasings Sydney Cricket Ground :బోర్డర్‌- గావస్కర్‌ ట్రోఫీలో ఆఖరి టెస్టు రసవత్తరంగా సాగుతోంది. రెండు రోజుల్లోనే మ్యాచ్ చాలా మలుపులు తిరిగింది. సిడ్నీ క్రికెట్ గ్రౌండ్ (SCG) పేసర్లకు సహకరిస్తుండడం వల్ల బ్యాటర్లు పరుగులు చేయడానికి కష్టపడుతున్నారు. మ్యాచ్లో రెండు రోజుల్లోనే 26 వికెట్లు నేలకూలాయి. రెండో రోజు ఆట ముగిసే సమయానికి భారత్ 141/6తో నిలిచింది.
క్రీజులో జడేజా (8 పరుగులు), వాషింగ్టన్‌ సుందర్‌ (6 పరుగులు) ఉన్నారు. ప్రస్తుతం భారత్ 145 పరుగుల స్వల్ప ఆధిక్యంలో కొనసాగుతోంది. నాలుగు వికెట్లు మాత్రమే మిగిలి ఉన్నాయి. ఈ క్రమంలో భారత్ మరో 120- 150 పరుగులు చేస్తే మ్యాచ్లో విజయావకాశాలు మెరుగ్గా ఉండే ఛాన్స్ ఉంది. మరి సిడ్నీ గ్రౌండ్లో ఇప్పటి వరకు టెస్టు మ్యాచ్లో అత్యధిక ఛేజింగ్ ఎంతో మీకు తెలుసా?
రికార్డులు ఆసీస్ వైపే!
సిడ్నీ క్రికెట్ గ్రౌండ్లో టెస్టు మ్యాచ్లో అత్యధిక పరుగులు ఛేజ్ చేసిన రికార్డు ఆస్ట్రేలియా పేరిటే ఉంది. 2006లో సౌతాఫ్రికా నిర్దేశించిన 287 పరుగుల లక్ష్యాన్ని ఆస్ట్రేలియా ఛేదించి విజయం సాధించింది. ఇదే సిడ్నీ టెస్టులో ఇప్పటివరకు ఉన్న టాప్ ఛేజింగ్. అంతే కాదు ఈ గ్రౌండ్లో ఛేదించిన టాప్ 5 అత్యధిక టార్గెట్లు కూడా ఆసీస్వే కావడం విశేషం. SCGలో ఆసీస్ ఆరుసార్లు 200+ లక్ష్యాన్ని ఛేజ్ చేసి హాట్ ఫేవరెట్గా కనిపిస్తోంది.
సిడ్నీలో టాప్ 5 రన్-ఛేజ్‌లు ఇవే
| విజేత | ప్రత్యర్థి | స్కోర్ |
| ఆస్ట్రేలియా | సౌతాఫ్రికా | 287/2 |
| ఆస్ట్రేలియా | ఇంగ్లాండ్ | 276/4 |
| ఆస్ట్రేలియా | ఇంగ్లాండ్ | 275/8 |
| ఆస్ట్రేలియా | న్యూజిలాండ్ | 260/6 |
| ఆస్ట్రేలియా | ఇంగ్లాండ్ | 219/4 |