MS Dhoni Birthday Celebrations:టీమ్ఇండియా మాజీ కెప్టెన్ మహేంద్రసింగ్ ధోనీ ఆదివారం తన 43వ పుట్టినరోజు జరుపుకుంటున్నారు. ఈ సందర్భంగా ధోనీకి సినిమా ఇండస్ట్రీ, క్రీడా ప్రముఖులు, ఫ్యాన్స్ అతడికి విషెస్ తెలుపుతున్నారు. ఈ క్రమంలో బాలీవుడ్ స్టార్ హీరో సల్మాన్ ఖాన్ 'హ్యాపీ బర్త్డే కెప్టెన్ సాబ్' అంటూ సోషల్ మీడియాలో విషెస్ చెప్పారు. మరోవైపు ధోనీ సహచర ప్లేయర్, మాజీ క్రికెటర్ సురేశ్ రైనా కూడా ధోనీకి శుభాకాంక్షలు తెలిపాడు.
ఐపీఎల్ టైమ్లో ధోనీ ఫ్యామిలీతో దిగిన ఫొటో ఒకటి షేక్ చేశాడు. 'హ్యాపీ బర్త్డే మహీ భాయ్. నీ హెలికాప్టర్ షాట్, స్టంపింగ్ స్కిల్స్లా రోజూ నువ్వు కూల్గా ఉండాలని కోరుకుంటున్నా' అని రాసుకొచ్చాడు. అటు బీసీసీఐ కూడా అఫీషియల్ ట్విట్టర్ అకౌంట్లో ధోనీ బర్త్ డే పోస్ట్ షేర్ చేసింది. కెప్టెన్గా సాధించిన మూడు ఐసీసీ ట్రోఫీ (టీ20, వన్డే, ఛాంపియన్స్ ట్రోఫీ)లతో ఉన్న ధోనీ ఫొటోను షేర్ చేసింది.
సాక్షి స్పెషల్ సెలబ్రేషన్స్: ధోనీ సతీమణి సాక్షి సింగ్ భర్తతో కేక్ కట్ చేయించి అతడికి విషెస్ తెలిపింది. ధోనీకి కేక్ తినిపించిన సాక్షి ఆ తర్వాత తన కాళ్లకు నమస్కరించింది. ధోనీ కూడా బ్లెస్సింగ్స్ ఇచ్చాడు. ఈ సెలబ్రేషన్లో స్టార్ హీరో సల్మాన్ ఖాన్ కూడా పాల్గొన్నారు.