Cricketers Family Members In Other Professions : క్రికెట్లో ఎంతో మంది స్టార్స్ తమ సత్తా చాటుతూ మైదానంలో రాణించారు. మైదానంలో వాళ్ల ఆటతీరుతో ఫ్యాన్స్ను ఫిదా చేస్తుంటారు. అయితే వీళ్లను ఇన్స్పిరేషన్గా తీసుకుని ఎంతో మంది ఈ క్రీడలోకి వచ్చిన వారు ఉన్నారు. అందులో తమ ఫ్యామిలీ మెంబర్స్ కూడా ఉన్నారు. ఉదాహరణకు హార్దిక్ పాండ్య, కృనాల్ పాండ్య , మహ్మద్ షమీ- మహ్మద్ కైఫ్, ఇలా చాలా మంది క్రికెటర్లు రికార్డులు సృష్టిస్తున్నారు. అయితే కొంతమంది క్రికెటర్ల కుటుంబ సభ్యులు ఇతర క్రీడల్లో రాణిస్తున్నారు. వారేవరో తెలుసుకుందాం.
దీపికా పల్లికల్ల్ :
టీమ్ఇండియా స్టార్ క్రికెటర్ దినేశ్ కార్తిక్ సతీమణి దీపికా పల్లికల్ ఓ ప్రొఫెషనల్ స్క్వాష్ ప్లేయర్. 2014 కామన్వెల్త్ గేమ్స్‌లోనూ ఆమె బంగారు పతకాన్ని గెలుచుకున్నారు. అంతేకాకుండా ప్రపంచ ర్యాంకింగ్స్‌లో టాప్ 10లోకి అడుగుపెట్టిన మొదటి భారతీయ మహిళ స్క్వాష్ క్రీడాకారిణిగా రికార్డు క్రియేట్ చేశారు.
శీతల్ గౌతమ్‌ :
టీమ్ఇండియా మాజీ క్రికెటర్ రాబిన్ ఉతప్ప ఫ్యామిలీలో ఓ టెన్నిస్ ప్లేయర్ ఉన్నారు. ఆయన సతీమణి శీతల్ గౌతమ్‌ కూడా ఫ్రొఫషన్ ప్లేయరే. 2000 నుంచి ఈ క్రీడ్లో రాణించిన శీతల్ 2013లో రిటైర్మెంట్ ప్రకటించారు.
బ్రాండన్ స్టార్క్ :
ఆస్ట్రేలియా స్టార్ క్రికెటర్ మిచెల్ స్టార్క్ సోదరుడు బ్రాండన్ స్టార్క్ ఓ ప్రోఫషనల్ అథ్లెట్. అతడు హై జంప్ క్రీడలో రాణిస్తున్నాడు.