CK Naidu Trophy 1 Over 6 sixes: కల్నర్‌ సీకే నాయుడు ట్రోఫీ జాతీయ అండర్‌–23 క్రికెట్‌ టోర్నీ జరుగుతున్న సంగతి తెలిసిందే. ఇందులో ఆంధ్ర జట్టు ఓపెనర్‌ మామిడి వంశీకృష్ణ తన ఆటతో అదరగొట్టాడు. 9 ఫోర్లు, 10 సిక్స్‌ల సాయంతో 64 బంతుల్లో 110 పరుగులు సాధించాడు. రైల్వేస్‌ జట్టుతో ఆదివారం మొదలైన మ్యాచ్‌లో ఈ ప్రదర్శన చేశాడు. గుంటూరు జిల్లాకు చెందిన ఈ 22 ఏళ్ల కుర్రాడు మరో అద్భుతం కూడా చేశాడు. ఈ మ్యాచ్లోనే ఒకే ఓవర్‌లోని వరుస 6 బంతుల్లో 6 సిక్స్లు బాది సంచలనం క్రియేట్ చేశాడు.
వైఎస్‌ రాజారెడ్డి – ఏసీఏ క్రికెట్‌ స్టేడియంలో ఈ మ్యాచ్ జరుగుతోంది. నాలుగు రోజుల పాటు జరగనున్న ఈ మ్యాచ్‌లో టాస్‌ గెలిచి మొదట బ్యాటింగ్‌ ఎంచుకుంది ఆంధ్ర జట్టు. మొదటి రోజు ఆట ముగిసే సమయానికి 90 ఓవర్లలో 7 వికెట్లు కోల్పోయి 372 పరుగులు చేసింది. అయితే రైల్వేస్‌ లెగ్‌ స్పిన్నర్‌ దమన్‌ దీప్‌ సింగ్ వేసిన ఇన్నింగ్స్‌ 10వ ఓవర్లోనే వంశీ కృష్ణ అద్భుతం చేశాడు. 6 బంతుల్లో 6 సిక్స్లు ధనాధన్ బాదేశాడు.
అనంతరం ఇదే జోరును కొనసాగిస్తూ 48 బంతుల్లోనే శతాకన్ని పూర్తి చేశాడు వంశీకృష్ణ. తద్వారా సీకే నాయుడు ట్రోఫీ హిస్టరీలో ఫాస్టెస్ట్ సెంచరీ చేసిన ఆంధ్ర బ్యాటర్‌గా రికార్డుకు ఎక్కాడు. అలా వంశీకృష్ణతో పాటు ఇతర బ్యాటర్లు కూడా మంచిగానే రాణించారు. ధరణి కుమార్‌ (81; 10 ఫోర్లు, 2 సిక్స్లు), వెంకట్‌ రాహుల్‌ (61 బ్యాటింగ్‌; 6 ఫోర్లు), వన్‌డౌన్‌ బ్యాటర్, కెప్టెన్ వంశీకృష్ణ (55; 6 ఫోర్లు, 1 సిక్స్) మంచి ప్రదర్శనే చేశారు.