చంద్రబాబుతో పవన్ కల్యాణ్ భేటీ - బీజేపీతో పొత్తు విషయం చర్చ?

Pawan Kalyan Meet Chandrababu Naidu : మలివిడత అభ్యర్థుల ఎంపికపై తెలుగుదేశం - జనసేన కూటమి కసరత్తు చేస్తోంది. జనసేన పార్టీ అధినేత పవన్ కల్యాణ్, తెలుగుదేశం పార్టీ అధినేత నారా చంద్రబాబు నాయుడును గుంటూరు జిల్లా ఉండవల్లిలో ఆయన నివాసంలో కలిశారు. మరోవైపు ఉమ్మడి అనంతపురం జిల్లాలో టీడీపీ శంఖారావం పూరించనుంది.

Pawan Kalyan Meets Chandrababu Naidu : మలివిడత అభ్యర్థుల ఎంపికపై తెలుగుదేశం - జనసేన కూటమి (TDP - Janasena Alliance) కసరత్తు చేస్తోంది. జనసేన పార్టీ అధినేత పవన్ కల్యాణ్, తెలుగుదేశం పార్టీ అధినేత నారా చంద్రబాబు నాయుడును గుంటూరు జిల్లా ఉండవల్లిలో ఆయన నివాసంలో కలిశారు. మలివిడత అభ్యర్థుల ఎంపికపై ఇరువురు నేతలు కీలక చర్చలు జరుపుతున్నారు. టీడీపీ-జనసేన కూటమిలో బీజేపీ చేరే అంశంపై గత కొంతకాలంగా చర్చలు జరుగుతున్నాయి.

దిల్లీ పరిణామాలపైనా అధినేతలు మధ్య చర్చ జరుగుతున్నట్లు తెలుస్తోంది. అన్ని చర్చించిన తర్వాత త్వరలోనే చంద్రబాబు నాయుడు, పవన్ కల్యాణ్ దిల్లీ వెళ్లే అవకాశం ఉంది. మరోవైపు ఉమ్మడి అనంతపురం జిల్లాలో తెలుగుదేశం పార్టీ శంఖారావం(TDP Shankharavam Programme) పూరించనుంది. ఐదు రోజులు పాటు 12 నియోజకవర్గాల్లో కార్యక్రమం నిర్వహించనున్నారు.

రేపటి నుంచి నారా లోకేశ్ మలివిడత శంఖారావం పర్యటనలు :రేపటి నుంచి ప్రారంభమయ్యే మలివిడత శంఖారావం పర్యటనలకు ఆ పార్టీ జాతీయ ప్రధాన కార్యదర్శి నారా లోకేశ్‌ హాజరవుతున్నారు. రాష్ట్ర పార్టీ కార్యాలయం నుంచి పర్యటన షెడ్యూల్‌ జిల్లాకు అందింది. ముందుగా హిందూపురం పార్లమెంటు పరిధిలోని ఈ నెల 7న హిందూపురం, మడకశిర, పెనుకొండ నియోజకవర్గాల్లోను శంఖారావం కార్యక్రమం నిర్వహించనున్నారు.

రాత్రికి పుట్టపర్తిలో బస చేస్తారు. 8న పుట్టపర్తి, కదిరి నియోజకవర్గాల్లోను, 9న కళ్యాణదుర్గం, రాయదుర్గం నియోజకవర్గాల్లోను(Constituencies Tour), 10న ఉరవకొండ, అనంతపురం, శింగనమల నియోజకవర్గాల్లోను, 11న తాడిపత్రి, గుంతకల్లు నియోజకవర్గాలో శంఖారావం కార్యక్రమం నిర్వహించనున్నారని ఆ పార్టీ వర్గాలు తెలిపాయి. ఆయా నియోజకవర్గ ఇన్‌ఛార్జులంతా కార్యక్రమం విజయవంతం చేసేందుకు శ్రేణులను సమాయత్తం చేస్తున్నారు.

Nara Bhuvaneswari Anantapuram District Tour : నిజం గెలవాలి పేరుతో టీడీపీ అధినేత చంద్రబాబు నాయుడు సతీమణి నారా భువనేశ్వరి పర్యటన కొనసాగుతుంది. నేడు, రేపు అనంతపురం జిల్లాలోని నాలుగు నియోజకవర్గాల్లో పర్యటించనున్నారు. చంద్రబాబు నాయుడు అక్రమ అరెస్టుతో గుండె ఆగి చనిపోయిన కార్యకర్తల ఇళ్లకు వెళ్లి పరామర్శించి ఆర్థిక సాయం(Financial Assistance) అందజేయనున్నారు. ఇవాళ అనంతపురం, కల్యాణదుర్గం నియోజకవర్గాల్లో పర్యటిస్తున్నారు. పర్యటన అనంతరం కణేకల్లు క్రాస్‌లోని విద్యానికేతన్‌ ఇంగ్లీషు మీడియం పాఠశాలలో రాత్రి బస చేస్తారు. రేపు రాయదుర్గం, గుంతకల్లు నియోజకవర్గాల్లో 'నిజం గెలవాలి' కార్యక్రమంలో పాల్గొననున్నారు