అవినాష్ రెడ్డి బెయిల్ రద్దును కోరే హక్కు దస్తగిరికి ఉంది: హైకోర్టు - Viveka Murder Case

Viveka Murder Case: కడప ఎంపీ అవినాష్ రెడ్డి ముందస్తు బెయిల్ రద్దు పిటిషన్ పై తెలంగాణ హైకోర్టు విచారణ జరిపింది. బెయిల్ రద్దు చేయాలని కోరే అధికారం దస్తగిరి లేదన్న అవినాష్ రెడ్డి తరపున న్యాయవాది వాదితో కోర్టు విభేదించింది. ఇరుపక్షల వాదనలు విన్న కోర్డు తదుపరి విచారణను ఏప్రిల్ 4కు వాయిదా వేసింది.

Viveka Murder Case:వివేకా హత్యకేసులో కీలక పరిణమాలు చోటు చేసుకుంటున్నాయి. గత ఐదు సంవత్సరాలుగా వివేకా హత్యపై స్పందించని సీఎం జగన్ మేము సిద్ధం భహిరంగ సభలో స్పందించారు. ఇదే అంశంపై రాష్ట్ర వ్యాప్తంగా తీవ్ర చర్చ కొనసాగుతుంది. మరోవైపు కోర్టులో సైతం వివేకా హత్యపై కీలక పరిణామాలు చోటు చేసుకుంటున్నాయి.

ఎంపీ అవినాష్ రెడ్డి ముందస్తు బెయిల్ రద్దు పిటిషన్ పై విచారణను తెలంగాణా హైకోర్టు ఏప్రిల్ 4కు వాయిదా వేసింది. అవినాష్ రెడ్డి ముందస్తు బెయిల్ ను రద్దు చేయాలని దస్తగిరి హైకోర్టులో ఇటీవల పిటిషన్ దాఖలు చేశారు. దీనిని విచారణకు స్వీకరించిన హై కోర్టు ప్రతివాదులుగా అవినాష్ రెడ్డి, సీబీఐ, సునీతలకు నోటీసులు జారీ చేసింది. కౌంటర్ దాఖలు చేయాలని ఆదేశించింది. కౌంటర్ దాఖలు చేసేందుకు సమయం కోరగా విచారణను ఏప్రిల్ 4కు వాయిదా వేసింది.

అంతకు ముందు, అప్రూవర్ గా మారిన దస్తగిరి కి బెయిల్ రద్దు చేయాలని కోరే అధికారం లేదని అవినాష్ తరుపు న్యాయవాది వాదించారు. అయితే, ఈ వాదనతో కోర్టు విబేదించింది. నెల రోజుల క్రితమే ఎన్ఐఏ కేసులో అప్రూవర్ వేసిన పిటిషన్ ను డివిజన్ బెంచ్ అనుమతించిందన్న హైకోర్టు, అప్రూవర్​కి ఈ తరహా డిమాండ్​ను అడిగే హక్కు ఆ తీర్పులో ఉందని స్పష్టంగా ఉందని తెలిపింది. అప్రూవర్ దస్తగిరి పిటిషన్ ను తిరస్కరించలేమన్న న్యాయస్థానం తదుపరి విచారణ ఏప్రిల్ 4 కు వాయిదా వేసింది. మరోవైపు భాస్కర్ రెడ్డి, ఉదయ్ కుమార్ రెడ్డి బెయిల్ పిటిషన్ పై సీబీఐ కౌంటర్ దాఖలు చేయగా పిటిషన్ పై విచారణను ఏప్రిల్ 3 విచారణను వాయిదా వేసింది.

వివేకాను చంపించింది ఎవరో మీకు తెలుసు: వైఎస్. వివేకానందరెడ్డి హత్య కేసుకు సంబంధించి ఆయన కుమార్తె సునీత రెడ్డి స్పందించారు. సీఎం జగన్‌ ప్రొద్దుటూరు సభలో చేసిన వ్యాఖ్యలపై అభ్యంత్రం వ్యక్తం చేశారు. నాన్న తర్వాత నాన్న అలాంటి వ్యక్తిని చంపితే, ఆ కుట్రను వెనక ఉంది ఎవ్వరో ఛేదించలేదని విమర్శించారు. పోగా తనపై నిందలు వేయడం న్యాయమా? అంటూ ఆవేదన వ్యక్తం చేశారు. చిన్నాన్నను ఎవరు చంపారో దేవుడికి తెలుసు, జిల్లా ప్రజలకు తెలుసు అంటున్నారు. అవును మీరు నిజమే చెప్పారు. వివేకాను చంపించింది ఎవరో దేవుడికి, మీకు, జిల్లా ప్రజలకు తెలుసు. అందుకే నిందితులను అంత బాగా రక్షిస్తున్నారని విమర్శలు గుప్పించారు. వివేకా చంపిన హంతకులకు ఓటు వేయవద్దని సునీత ప్రజలకు విజ్ఞప్తి చేశారు.