13 నుంచి 14 ఎంపీ సీట్లు గెలవడం ఖాయం - ప్రతిపక్షాల అసత్య ప్రచారాలు నమ్మొద్దు : మంత్రి కోమటిరెడ్డి

Minister Komatireddy Venkat Reddy Comments on KTR : రాష్ట్రంలో బీఆర్​ఎస్​, బీజేపీ లేకుండా 20 ఏళ్లు ఉండాలని మంత్రి కోమటిరెడ్డి వెంకట్​రెడ్డి అన్నారు. వచ్చే లోక్​సభ ఎన్నికల్లో 13 నుంచి 14 సీట్లు గెలవడం ఖాయమని ధీమా వ్యక్తం చేశారు. నల్గొండ జిల్లా పర్యటనలో భాగంగా కనగల్​ మండలంలో ఏర్పాటు చేసిన సమావేశంలో పాల్గొన్నారు.

Minister Komatireddy Venkat Reddy Comments on KTR : రాబోయే లోక్​సభ ఎన్నికల్లో 13 నుంచి 14 సీట్లు గెలవడం ఖాయమని మంత్రి కోమటిరెడ్డి వెంకటరెడ్డి ధీమా వ్యక్తం చేశారు. శాసనసభ ఎన్నికల్లో నల్గొండ జిల్లాలో ఏ విధంగా అయితే 50 వేల మెజార్టీ ఇచ్చి ప్రజలు గెలిపించారో, ఇప్పుడూ అదే విధంగా ఎంపీ ఎన్నికల్లో(Lok Sabha Polls) కూడా భారీ మెజారిటీ ఇచ్చి గెలిపిస్తారని ఆశాభావం వ్యక్తం చేశారు. ఈ మెజారిటీ దేశంలోనే భారీ మెజారిటీ ఉండేలా చూడాలని కోరారు. నల్గొండ పర్యటనలో భాగంగా కనగల్​ మండలంలో ఏర్పాటు చేసిన ముఖ్య కార్యకర్తల సమావేశంలో మంత్రి కోమటిరెడ్డి పాల్గొని మాట్లాడారు.

కేసీఆర్​ కుటుంబం లక్షాధికారులై రాష్ట్రాన్ని రూ.7 లక్షల కోట్లు అప్పు చేసి మూడేళ్లకే కూలిపోయే విధంగా ప్రాజెక్టులను కట్టిందని మంత్రి ఆరోపించారు. కృష్ణా నదీ ఎండిపోయే విధంగా కేసీఆర్​ చేశారని కేసీఆర్​పై మండిపడ్డారు. డబ్బుల కోసం జగన్​ కాళ్ల దగ్గర మోకరిల్లి కృష్ణా, సాగర్​ నదులను తాకట్టు పెట్టారని ధ్వజమెత్తారు. ప్రగతి భవన్​లో జగన్​కు బిర్యానీ పెట్టి, రోజా ఇంటికి వెళ్లి చేపల పులుసు తిని రాయలసీమను రతనాల సీమగా చేస్తానని చెప్పిన ఘనుడు కేసీఆర్​ అని దుయ్యబట్టారు.

Minister Komatireddy Fires on BRS :కేటీఆర్​ తండ్రి చాటు కుమారుడని, కానీ రేవంత్​ రెడ్డి అలా కాదు కింది స్థాయి నుంచి గెలిసొచ్చిన నాయకుడని మంత్రి కోమటిరెడ్డి వెంకటరెడ్డి చెప్పారు. కేసీఆర్​ అండతో కేటీఆర్​ ఎమ్మెల్యే అయ్యారని, కానీ ఎలాంటి అండా లేకుండా గెలిచినోల్లం తామని, అదే వారికి తమకు తేడా అంటూ కేటీఆర్(KTR)​పై తీవ్రస్థాయిలో మండిపడ్డారు. బీఆర్​ఎస్​, బీజేపీ రెండు పార్టీలు లేకుండా చేసి, 20 ఏళ్ల పాటు కాంగ్రెస్​ పార్టీని అధికారంలో నిలిపి, ప్రజాపాలన వచ్చే విధంగా ఉంచాలని ప్రజలను ఉద్దేశించి వ్యాఖ్యానించారు.

"ఎంపీ ఎన్నికల్లో 13 నుంచి 14 స్థానాలు గెలవడం ఖాయం. భారీ మెజార్టీతో నల్గొండ, భువనగిరి ఎంపీ సీట్లు గెలుస్తున్నాం. కేఆర్​ఎంబీతో పోరాటం చేసి కేసీఆర్​ చేసుకున్న ఒప్పందాలను రద్దు చేస్తాం. కేసీఆర్​ పదేళ్ల పాలనలో కూలిపోయే ప్రాజెక్టులే కనిపిస్తున్నాయి. కేసీఆర్​ పాలనలో రూ.7 లక్షల కోట్ల అప్పులు కనిపిస్తున్నాయి. జగన్​తో కేసీఆర్​ లాలూచీ పడి తెలంగాణకు అన్యాయం చేశారు. రాష్ట్రంలో బీఆర్​ఎస్​, బీజేపీ లేకుండా చేసి 20 ఏళ్లు కాంగ్రెస్​ ఉండాలి."- కోమటిరెడ్డి వెంకట్​రెడ్డి, రోడ్లు, భవనాల శాఖ మంత్రి

ప్రతిపక్షాల అసత్య ప్రచారం నమ్మవద్దు : ఇప్పటికే నాలుగు గ్యారంటీలు అమలు చేశామని మంత్రి కోమటిరెడ్డి అన్నారు. ఈ నెల 11న ఇందిరమ్మ ఇళ్ల పథకం ప్రారంభిస్తామని తెలిపారు. నల్గొండలో తొలుత 2 వేల ఇళ్లు మంజూరు చేశామన్నారు. ప్రతిపక్షాలు చేసే అసత్య ప్రచారాలను నమ్మకండని విజ్ఞప్తి చేశారు. తెలంగాణను బీఆర్​ఎస్​ అప్పుల రాష్ట్రంగా మార్చిందని ఆవేదన చెందారు.