ట్రంప్ 2.Oలో మరో భారతీయుడు - FBI డైరెక్టర్‌గా కశ్యప్‌ పటేల్‌

డొనాల్డ్ ట్రంప్ కార్యవర్గంలో మరో భారతీయుడు - అమెరికా ఎఫ్​బీఐ డైరెక్టర్​గా కాశ్​ పటేల్‌

US FBI Director Kash Patel :అమెరికా అధ్యక్ష ఎన్నికల్లో విజయం సాధించిన డొనాల్డ్‌ ట్రంప్‌ తన ప్రభుత్వ ఏర్పాటుకు సన్నాహాలు ముమ్మరం చేశారు. ఈ క్రమంలో పలువురు భారత సంతతికి చెందిన వ్యక్తులకు కీలక పదవులు కేటాయించారు. తాజాగా కశ్యప్‌ పటేల్‌ (కాశ్​ పటేల్‌)కు కీలక బాధ్యతలు అప్పగించారు. ఫెడరల్‌ బ్యూరో ఆఫ్ ఇన్వెస్టిగేషన్‌ (ఎప్‌బీఐ) డైరెక్టర్‌గా ఆయన్ను నియమించనున్నట్లు ట్రంప్ ప్రకటించారు.

'తదుపరి ఎఫ్‌బీఐ డైరెక్టర్‌గా కశ్యప్‌ పటేల్‌ సేవలందిస్తారని ప్రకటించేందుకు గర్వంగా ఉంది. ​కాశ్​ గొప్ప న్యాయవాది, పరిశోధకుడు. అమెరికాలో అవినీతి నిర్మూలనకు, న్యాయాన్ని గెలిపించేందుకే నిరంతరం శ్రమిస్తున్నారు. అమెరికా ప్రజలకు అండగా నిలిచారు. ఆయన నియామకంతో ఎఫ్‌బీఐకి పూర్వ వైభవం తీసుకొస్తాం'అని సామాజిక మాధ్యమం ట్రూత్‌లో ట్రంప్​ పోస్టు చేశారు.

ఇక కశ్యప్‌ కుటుంబమూలాలు గుజరాత్‌లో ఉన్నాయి. ఆయన తల్లిదండ్రులు తూర్పు ఆఫ్రికాలో పెరిగారు. కాశ్​ తండ్రి, ఉగాండలో నియంత ఈదీ ఆమిన్‌ బెదిరింపుల కారణంగా అమెరికాకు వలస వచ్చారు. న్యూయార్క్‌లోని గార్డెన్‌ సిటీ 1980లో కశ్యప్‌ జన్మించారు. యూనివర్శిటీ ఆఫ్‌ రిచ్‌మాండ్‌లో గ్రాడ్యుయేషన్‌ పూర్తి చేశారు. ఆ తర్వాత యూనివర్శిటీ కాలేజ్‌ లండన్‌లో న్యాయవిద్యను పూర్తి చేశాడు. ఆ తర్వాత ఓ లా సంస్థలో పని చేయాలనుకున్నా కొలువు లభించలేదు. దీంతో మియామీ కోర్టుల్లో పబ్లిక్‌ డిఫెండర్‌గా పనిచేసి వివిధ హోదాల్లో సేవలందించారు.