దీపావళికి బాక్సాఫీస్ సందడంతా ఈ ముద్దుగుమ్మలదే!

ఈ దీపావళికి రానున్న చిత్రాల్లో మతాబుల్లా మరింత కాంతిని నింపే ముద్దుగుమ్మలెవరంటే?

TOLLYWOOD 2024 DEEPAWALI HEROINES : దీపావళికి టాలీవుడ్ బాక్సాఫీస్​ స్పెషల్‌గా ముస్తాబవుతోంది. సాయి పల్లవి నటించిన అమరన్, దుల్కర్ సల్మాన్ లక్కీ భాస్కర్‌తో పాటు మరిన్ని సినిమాలు సందడి చేసేందుకు సిద్ధమయ్యాయి. దివ్వెల్లాంటి కళ్లతో, చిచ్చుబుడ్డుల్లాంటి నవ్వులతో ఈ పండుగ సినిమాలను మరింత ప్రత్యేకం చేసే హీరోయిన్లు ఎవరో ఇప్పుడు తెలుసుకుందాం.

మీనాక్షి చౌదరి(LUCKY BHASKAR MEENAKSHI CHAUDHARY) - దుల్కర్ సల్మాన్ చాలా కాలం గ్యాప్ తర్వాత తెలుగులో మంచి సక్సెస్ కొడతానని నమ్మకంగా చెబుతున్న సినిమా లక్కీ భాస్కర్. ఇందులో ఆయనకు హీరోయిన్​గా నటించారు మీనాక్షి చౌదరి. కథలో ఆమె పాత్ర చాలా కీలకంగా ఉంటుందని టీజర్ చూస్తేనే అర్థమవుతోంది. దీపావళి సందర్భంగా అక్టోబరు 31న ఈ చిత్రాన్ని రిలీజ్ చేయనున్నారు. శ్రీకర స్టూడియోస్ సమర్పణలో సితార ఎంటర్‌టైన్మెంట్స్, ఫార్చూన్ ఫోర్ సినిమాస్ బ్యానర్ పై ఈ సినిమాను తెరకెక్కించారు. వెంకీ అట్లూరి దర్శకత్వం వహించగా, ఈ చిత్రానికి సూర్య దేవర నాగవంశీ, సాయి సౌజన్యలు నిర్మాతలు.

నయన్ సారిక, తన్వీరామ్ - కిరణ్ అబ్బవరం హీరోగా రూపొందిన చిత్రం 'క'. ఇందులో నయన్ సారిక, తన్వీరామ్​లు కథానాయికలుగా నటించారు. కథ హీరో చుట్టూనే తిరుగుతున్నా కథాపరంగా సారిక, తన్వీరామ్​ల పాత్ర కూడా ఈ సినిమాలో కీలకమట. అక్టోబర్ 31న విడుదల కానున్న ఈ చిత్రానికి సుజీత్, సందీప్‌లు సంయుక్తంగా దర్శకత్వం వహించారు. శ్రీచక్రాస్ ఎంటర్‌టైన్మెంట్స్ పతాకంపై చింతా గోపాలకృష్ణారెడ్డి నిర్మించారు.

సాయిపల్లవి(AMARAN SAI PALLAVI) -స్టార్ హీరోయిన్ సాయి పల్లవి నటించిన తమిళ సినిమా అమరన్. ఒకేసారి తెలుగులోనూ రిలీజ్ అయ్యేందుకు రెడీ అయింది. బయోగ్రాఫికల్ యాక్షన్ వార్ చిత్రంగా రూపొందించిన ఈ సినిమాలో సాయి పల్లవి ఇందు రెబెక్కా వర్గీస్ పాత్రలో నటించారు. హీరో కార్తీకేయన్ ముకుంద్ రోల్ పోషిస్తుండగా ఆయన భార్య ఇందు పాత్రలో సాయి పల్లవి కనిపిస్తున్నారు. పెరియసామి దర్శకత్వంలో రూపొందిన ఈ సినిమా అక్టోబరు 31న విడుదల కానుంది. రాజ్ కమల్ ఫిల్మ్స్ ఇంటర్నేషనల్, సోనీ పిక్చర్స్ ఫిల్మ్స్ ఇండియా సంయుక్తంగా నిర్మించారు.

ప్రియాంక మోహన్, భూమికా చావ్లా - సరిపోదా శనివారం, గ్యాంగ్ లీడర్ సినిమాల్లో హీరోయిన్‌గా నటించిన ప్రియాంక మోహన్ లేటెస్ట్ మూవీనే బ్రదర్. పక్కింటి అమ్మాయిలా కనిపించే ప్రియాంకతో పాటు భూమికా చావ్లా కూడా ఇందులో ప్రధాన పాత్ర పోషించారు. జయం రవి హీరోగా రూపొందిన ఈ తమిళ కామెడీ డ్రామాకు ఎం. రాజేశ్ దర్శకత్వం వహించారు. సుందర్ ఆర్ముగం నిర్మాత. దీపావళి సందర్భంగా అక్టోబరు 31న విడుదల కానుంది.

దీపికా పదుకొణె, కరీనా కపూర్(Singham Deepika) -బాలీవుడ్‌కు దీపావళి సందర్భంగా కన్నుల విందు చేయడానికి భారీ తారాగణంతో ముస్తాబవుతోంది సింగం అగైన్. సింగం సిరీస్​లో ఇదే భారీ బడ్జెట్ చిత్రం. ఇందులో దీపికా, కరీనాతో పాటు అజయ్ దేవగన్‌, అర్జున్ కపూర్, రణవీర్ సింగ్, టైగర్ ష్రాఫ్, జాకీ ష్రాఫ్, అక్షయ్ కుమార్​, సల్మాన్ ఖాన్​లు ప్రధాన పాత్రల్లో కనిపించారు. దీనికి రోహిత్ శెట్టి దర్శకత్వం వహించి నిర్మాణ బాధ్యతలు కూడా వహించారు. ఆయనతో పాటు రిలయన్స్ ఎంటర్ టైన్మెంట్, జియో స్టూడియోస్, దేవగన్ ఫిల్మ్స్ సంయుక్తంగా సహ నిర్మాతలుగా వ్యవహరించారు. ఈ చిత్రాన్ని నవంబరు 1న రిలీజ్ చేయనున్నారు.

రుక్మిణీ వసంత(BHAGEERA RUKMINI VASANTH) - 'కేజీఎఫ్', 'కాంతారా' లాంటి బడా బ్లాక్ బ్లస్టర్ హిట్లు అందించిన హోంబలే ఫిల్మ్స్ బ్యానర్​లో వస్తున్న మరో చిత్రం బఘీర. ప్రశాంత్ నీల్ కథ అందించారు. డా.సూరి దర్శకత్వం వహించారు. రుక్మిణీ వసంత హీరోయిన్​గా నటించారు. భారీ హంగులతో ముస్తాబవుతోన్న ఈ చిత్రంలో ఆమె ఒక్కరే హీరోయిన్. దీపావళి పండుగ రోజు అక్టోబరు 31నే దీనిని రిలీజ్ చేయనున్నారు.