Shree Ram Jai Hanuman First Look : ప్రస్తుతం దేశవ్యాప్తంగా ఎక్కడ చూసినా అయోధ్య పేరే వినిపిస్తోంది. అయితే ఇప్పటికే సినీ ఇండస్ట్రీలో రామాయణం ఆధారంగా ఎన్నో సినిమాలు తెరకెక్కాయి. ఇప్పుడు మరో సినిమా సిల్వర్ స్క్రీన్పై సందడి చేసేందుకు రెడీ అయింది. తాజాగా అయోధ్యలో బాల రాముని ప్రాణ ప్రతిష్ఠ మహోత్సవాన్ని పురస్కరించుకుని 'శ్రీ రామ్, జై హనుమాన్' అనే మూవీ పోస్టర్ రిలీజ్ అయింది.
సురేశ్ ఆర్ట్స్ బ్యానర్ ఈ సినిమాను పాన్ ఇండియా రేంజ్‌లో తెరకెక్కించనుంది. ఒరిజినల్‌గా ఈ చిత్రాన్ని కన్నడ భాషలో తెరకెక్కించనున్నారు. దీంతో పాటే హిందీ, తమిళ, తెలుగు, మలయాళ, ఇంగ్లీష్ భాషల్లోనూ రిలీజ్ చేయనున్నారు.
ఎవరికీ తెలియని కథతో : రామాయణంలో చాలామందికి తెలియని కొత్త విషయాలను చెబుతూ ఈ సినిమాను ప్రేక్షకుల ముందుకు తీసుకొస్తామని మేకర్స్ చెబుతున్నారు. 'రామాయణ ఇతిహాసం గురించి ఎవరికీ తెలియని కథతో' అనే అర్థం వచ్చేలా ట్యాగ్ లైన్ ఇచ్చారు. అయోధ్యలో ప్రాణ ప్రతిష్ఠ జరిగిన ముహుర్తానికే ఈ పోస్టర్ను రిలీజ్ చేశారు. దీంతో ఈ మూవీలో ఏం చూపిస్తారనే విషయంపై ప్రేక్షకుల్లో ఆసక్తి మొదలైంది.