Sharma And Ambani Web Series ETV Win : ఈటీవీ విన్‌లో బ్యాక్ టు బ్యాక్ వెబ్ సిరీస్‌లు సబ్‌స్క్రైబర్స్‌ను ఎంటర్‌టైన్ చేస్తున్న విషయం తెలిసిందే. యూత్‌ను మెప్పించే, మిడిల్ క్లాస్‌కు కనెక్ట్ అయ్యే వెబ్ సిరీస్‌లతో ఈటీవీ విన్ దూసుకుపోతోంది. శర్మ అండ్ అంబానీ పేరుతో మరో వెబ్ సిరీస్ అందుబాటులోకి రానుంది. అందుకు సంబంధించిన ఫస్ట్ లుక్ తాజాగా రిలీజైంది. హీరోయిన్ తప్ప మిగిలిన యాక్టర్లతో పాటు డైరెక్టర్ అందరూ కొత్తవాళ్లే.
భరత్ తిప్పిరెడ్డి, ధన్య బాలకృష్ణ హీరోహీరోయిన్లుగా నటిస్తున్న వెబ్ సిరీస్ శర్మ అండ్ అంబాన్. ఫస్ట్ లుక్లో స్కూటర్‌పై ధన్య, భరత్ ఉండగా బ్యాక్‌గ్రౌండ్‌లో డైమండ్, కొన్ని కరెన్సీ నోట్లు కనిపిస్తాయి. దీన్ని బట్టి చూస్తే ఇదొక క్రైమ్ కామెడీ సిరీస్ అయ్యిండవచ్చని ప్రేక్షకులు అంచనా వేస్తున్నారు. ఈ సిరీస్ ద్వారా కార్తిక్ సాయి దర్శకుడిగా పరిచయం కానున్నాడు. ఈ సిరీస్‌తో రెండేళ్ల తర్వాత ఓటీటీ ప్రేక్షకులను పలకరించనుంది ధన్య బాలకృష్ణ. ఏప్రిల్ 11న ‘శర్మ అండ్ అంబానీ’ ఈటీవీ విన్‌లో స్ట్రీమింగ్ ప్రారంభించుకోనుంది.
ఇప్పటికే ఈటీవీ విన్ లో#90స్’, తులసి వనం లాంటి సక్సెస్‌ఫుల్ వెబ్ సిరీస్‌లు ఉండగా శర్మ అండ్ అంబానీ కూడా అదే లిస్ట్‌లో యాడ్ అవుతుందని మేకర్స్ నమ్మకంతో ఉన్నారు. ఇక ధన్య బాలకృష్ణకు కూడా తెలుగు, తమిళ, కన్నడ భాషల్లో పలు వెబ్ సిరీస్‌లలో హీరోయిన్‌గా నటించి తన నటనతో మెప్పించింది ఈ భామ. ఓవైపు సినిమాలు చేస్తూనే వెబ్ సిరీస్‌లవైపు అడుగులు వేసింది.